-3 °С
Ясна
Бөтә яңылыҡтар
"Минең бәләкәй бизнесым"
2 Октябрь 2020, 14:21
Роза апайҙың шаурмаһын бик яратҡандар
Ауылдарҙа заманға яраҡлашып, ауырлыҡтарҙан ҡурҡмай, ең һыҙғанып эшкә тотоноп, алдарына ҡуйған маҡсаттарына ирешеүсе йәштәребеҙ бихисап. Шуларҙың береһе – хозур тәбиғәтле Байназар ауылының уңған, тырыш, һылыу ҡыҙы Роза Урал ҡыҙы Ишбулатова. Бөгөн мин уның менән әңгәмә ҡорҙом әле.
– Роза апай, үҙегеҙ менән яҡынданыраҡ таныштырып үтегеҙ әле.
– Ғаиләлә икенсе ҡыҙ булып донъяға килгәнмен. Әсәйем рауза сәскәләре яратҡас, миңә лә Роза тип исем ҡушҡан.
Мәктәптә уҡыған йылдарҙа район, республика кимәлендә үткән конкурстарҙа йыш ҡатнаша торғайным. 2015 йылда «Яҙ гүзәле»ндә Гран-при алһам, 2016 йылда «Йыл уҡыусыһы» исеменә лайыҡ булдым. Биология, химия фәндәре менән ҡыҙыҡһындым. Республика кимәлендә үткәрелгән фәнни-ғәмәли конференцияларҙа ҡатнашып, I – II урындар яуланым.
Уҡырға барғандан алып бейеү түңәрәгенә йөрөнөм. Әле лә был шөғөлөмдө ташламайым. Йыл да колледжыбыҙ исеменән ҡарттар йортона барып, төрлө концерттар ҡуйып торабыҙ.
Бала саҡтан табип булырға хыялландым. Был уйымды тормошҡа ашырыр өсөн Өфө медицина колледжына уҡырға индем. Бынан тыш, массаж эшләү менән ҡыҙыҡһынам. 2019 йылда курстарға яҙылып, белем дә алдым. Йәйге ялдарымда кешеләргә массаж эшләп, үҙемә уҡырға барырлыҡ аҡса туплап алам.
– Белеүемсә, һеҙҙең һөнәрҙәрегеҙ бик күп. Хатта үҙегеҙҙең бәләкәй бизнесығыҙ ҙа бар. Был турала һөйләп китһәгеҙ ине.
– Яҡын кешеңдең, туғаныңдың, дуҫыңдың тыуған көнө буламы йә булмаһа Яңы йыл, 8 Март кеүек байрамдарға бүләк эҙләй башлаһаң, бик күп ваҡыт китә йә күңелгә ятҡанын табып булмай. Шуға кешеләргә ярҙам итеү, ваҡыттарын бушҡа сарыф иттермәү маҡсатында улар теләгәнсә, йәғни заказ менән бүләктәр әҙерләү идеяһы тыуҙы. «Инстаграм», «Бәйләнештә» селтәрҙәрендә рекламалар эшләп, күп клиенттар таптыҡ.
Ә шаурма эшләп һатыу идеяһы менән ҡышҡылыҡтан алып яндым. Сөнки ауылда булғанда урамға йәштәр менән йыйылып сыҡһаҡ, ҡалалағы кеүек тамаҡ ялғау урындары юҡ. Шуға ошондай бизнес ойошторорға булдыҡ. Дуҫым Айтуған менән йәйге каникулды түҙемһеҙлек менән көтөп алдыҡ һәм эшебеҙҙе башлап та ебәрҙек. Аллаға шөкөр, халыҡҡа бик оҡшаны, яратып ашанылар, заказдарыбыҙ ҙа бик күп булды.
– Ҡасандыр мәктәп уҡыусыһы булараҡ, бөгөнгө йәштәргә, үҫмерҙәргә ниндәй теләктәр әйтер инегеҙ?
– Уҡыусылар тырышып белем алып, төрлө конкурс-сараларҙа әүҙем ҡатнашһындар. Алдарына ҡуйған маҡсаттарына ирешер өсөн бер ниндәй ауырлыҡтарҙан да ҡурҡмаһындар ине. Әүҙем, тәүәккәл булырға кәрәк.
Бөрйән районы.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж