Бөтә яңылыҡтар
"Минең өс айым"
3 Август 2018, 15:16

Икәү булғас, беҙгә күңелле!

Йәй айҙарын йыл һайын көтөп алам. Шул тиклем рәхәт, күңелле бит ул. Иң оҙон каникул булһа ла, уның үткәнен һиҙмәй ҙә ҡалабыҙ.Минең Гөлиә һеңлем бар. Бө­тә нәмәне уның менән бергә эшләйбеҙ. Ялыбыҙҙы ла фай­ҙалы һәм иҫтә ҡалырлыҡ итеп үткәрергә тырышабыҙ. Көн дә футбол уйнайбыҙ, сәскәләргә, йәшелсә-емештәргә һыу һибә­беҙ.

Йәй айҙарын йыл һайын көтөп алам. Шул тиклем рәхәт, күңелле бит ул. Иң оҙон каникул булһа ла, уның үткәнен һиҙмәй ҙә ҡалабыҙ.

Минең Гөлиә һеңлем бар. Бө­тә нәмәне уның менән бергә эшләйбеҙ. Ялыбыҙҙы ла фай­ҙалы һәм иҫтә ҡалырлыҡ итеп үткәрергә тырышабыҙ. Көн дә футбол уйнайбыҙ, сәскәләргә, йәшелсә-емештәргә һыу һибә­беҙ.
Буш ваҡытымда шиғырҙар яҙам, ҡумыҙҙа уйнайым, һеңлемә лә өйрәтәм. Быйыл төбәк-ара ҡумыҙсылар ярышында III дәрәжә дипломға лайыҡ булдым. Киләһе йыл, Алла бир­һә, республика бәйгеһендә ҡатнашыр­ға йыйынам. Төрлө ҡоштарҙы тыңлап, уларҙың тауышын сы­ғара беләм. Атайым эшләп бир­гән ағас һыҙғырт­ҡыста ла өйрәндем. Ул ҡайҙан ғына яһаным, тигән көнгә тө­шә. Тауы­шынан ялҡып китәләрҙер инде.
Һеңлем менән икебеҙ ҙә йыр­ларға әүәҫбеҙ. Һыу инергә лә өлгөрәбеҙ, ҡыҙынабыҙ. Үҙән йылғаһы яҡын ғына, эргәнән генә ағып ята.
Еләк йыйырға ла яратабыҙ. Был ваҡытта урманда рәхәт. Әсәйебеҙ менән бергәләп ҡыш­ҡылыҡҡа күп итеп ҡайнатма әҙерләнек.
Олатайым менән бесәнгә йө­рөүе лә күңелле. Эш күп, әммә бергәләп башҡарғас, арымайбыҙ. Беҙ, ике ҡыҙыҡай, һәр ва­ҡыт нимә булһа ла уйлап табып ҡына торабыҙ. Бушаған арала бесәнселәргә концерт та күр­һәтәбеҙ. Әсәйемдең бала табыу йортонан тағы ла бер һеңле алып ҡайтҡанын теләйбеҙ. Өс ҡыҙыҡайға тағы ла күңеллерәк булыр ине.

Зилиә ҠАРАМЫШЕВА, III синыф уҡыусыһы.


Бөрйән районы, Әбделмәмбәт ауылы.

Читайте нас в