+12 °С
Ямғыр
Бөтә яңылыҡтар
"Минең өс айым"
24 Август 2018, 14:17
Иң шәп мәл
Йылдағыса, уҡыуҙар тамамланыу менән мәктәп ҡарамағындағы «Янғын һүндереүселәрҙең йәш дуҫтары» тип исемләнгән лагерға йөрөй башланым. 21 көн дауам иткән ялыбыҙҙы файҙалы һәм ҡыҙыҡлы итеп үткәрҙек. Лагерь етәксеһе Рәзилә Шәрифулла ҡыҙы, әйҙәүселәр һәм тәрбиәселәр беҙҙең һәр көнөбөҙҙө күңелле, фәһемле итеп ойошторҙо.
Янғынға ҡаршы иҫкәртеү, аңлатыу эше алып барҙылар, конкурстар, викториналар үткәрҙеләр, фәһем алырлыҡ йәнһүрәттәр һәм фильмдар ҡараныҡ. Быларҙан тыш, янғын һүндереү ҡоролмалары менән эш итергә өйрәндек, «ғәҙәттән тыш хәлдәрҙә» эвакуация яһап ҡараныҡ, янғын һүндереү бүлексәһенә экскурсияға барҙыҡ, улар менән әңгәмә үткәрҙек. Педиатрҙар янғында зыян күреүселәргә тәүге ярҙамды күрһәтергә өйрәтте.
Бассейнға, «Экстрим», «Юрға» ат сабыштырыу клубтарына барыу ҙа ныҡ оҡшаны. Шулай уҡ балыҡ ҡармаҡларға, тәбиғәт ҡосағына экскурсияға сығырға ла өлгөрҙөк.
21 көн һиҙелмәй үтеп тә китте. Шунан мин Хәлил ауылында йәшәгән туғандарыбыҙға ҡунаҡҡа барҙым. Унда Гүзәлиә апайым менән һыу инергә йөрөнөк, төрлө уйындар уйнаныҡ, өлкәндәр менән бергәләшеп күршеләге Мәхмүт ауылын да күреп ҡайттыҡ. Унда бик матур сарала ҡатнаштыҡ. «Һаумыһығыҙ, ауылдаштар!» байрамына халыҡ бик күп йыйылғайны. Ныҡ оҡшаны, сәмле уйындар ойошторҙолар, матур концерт күрһәттеләр. Мин үҙемде дартс уйынында һынап ҡараным һәм бөтә шарҙарҙы ла шартлаттым. Беләһегеҙме, нимә оттом? Мультиварка. Әсәйемдең һөйөнгәнен күрһәгеҙ! Үҙем тураһында әйтеп тораһы ла түгел инде.
Әлеге мәлдә Ҡыҙыл буйына һыу инергә йөрөйбөҙ, саф һауала дуҫтарым менән төрлө уйындар уйнайбыҙ, көн дә спорт менән шөғөлләнәм, әсәйем менән атайыма ярҙам итешәм.
Назар Ямалов, III синыф уҡыусыһы.
Әбйәлил районы, Амангилде ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж