Бөтә яңылыҡтар
"Минең өс айым"
24 Август 2018, 14:13

Рәхмәт шишмәһен таҙарттыҡ

Көндөҙгө ял лагерында бик оҡшаны. Тәрбиәселәребеҙ Альбина Латипова, Рауза Сөләймәнова, физкультура уҡытыусыһы Роберт Диникеев төрлө ҡыҙыҡлы саралар уҙғарҙы. Экология, әҙәбиәт, сәнғәт, көлкө көндәре, спорт ярыштары, сәйәхәттәр ҡыҙыҡлы булды.

Ауылыбыҙҙың уртаһында селтерәп ағып ятҡан Рәхмәт шишмәһенә лә барҙыҡ. Уны бик боронғо, тиҙәр. Урам халҡын һыуға туйындырып торған. Һыуы йомшаҡ, шифалы булғанға, гел рәхмәт әйтеп, исеме лә шулай ҡушылған. Эргәһендә матур ғына ял итеү урыны ла бар. Беҙ тәүҙә рәхәтләнеп һыу эстек, аҙаҡ тирә-яғын йыйыштырҙыҡ. Көн файҙалы үткәнгә бик шатландыҡ.


Карина МОРТАЗИНА, II синыф уҡыусыһы.

Туймазы районы, Бишҡурай ауылы.