+9 °С
Болотло
Бөтә яңылыҡтар
"Минең өс айым"
31 Август 2018, 13:52
Туйҙа йөрөү күңелле!
Йәйҙең иң матур хәтирәһе булып өлкән апайым Регинаның туйы иҫтә ҡалды. Ул Миәкә районы Шатмантамаҡ ауылына килен булып төштө. Беҙ бик күңелле итеп туйҙа ла йөрөп ҡайттыҡ. Регина апайым менән Марсель еҙнәйгә тигеҙ ғаилә тормошо, бәхет теләйем.
Эй, яратам да инде йәйге каникул мәлен! Туйғансы йоҡлайһың, дуҫ ҡыҙҙар менән ҡараңғы төшкәнсе үҙебеҙҙең майҙансыҡта серләшеп ултыраһың, йылғала рәхәтләнеп һыу инәһең!
Минең уйлайымса, иң күңелле ял барыбер ауылда үтә. Шулай булмай ни, ҡалалағы дуҫтарыбыҙ ҙа бит йәй айҙарын – өләсәй-олатайҙарына ҡайтыр мәлде түҙемһеҙләнеп көтә.
Каникулда беҙ ял итеү менән бергә йорт эштәрендә ярҙамлашырға ла өлгөрәбеҙ. «Ауыл ерендә эш тауыҡ сүпләһә лә, бөтмәй инде», – ти әсәйем. Шуға мин ҡулдан килгәнсә тырышып, ихлас ярҙамлашам. Баҡса ҡарау, өй йыйыштырыу кеүек ваҡ мәшәҡәттәр минең өҫтә.
Быйылғы ялымда байтаҡ ваҡытымды бер туған апайымдың ҡыҙын, бер йәшлек кенә Әлиә туғанымды, ҡарап үткәрҙем. Бәләкәсебеҙ ата-әсәһен, ҡартатай-өләсәйҙәрен көн һайын яңы һөнәрҙәре менән ҡыуандырҙы. Бер көндө Юлиә апайым кер йыуған саҡта Әлиә уның эргәһендә тастағы һыу менән уйнаған. Ҡулдары, өҫтө бысранған икән. Бер заман ҡысҡырып илап ебәргән. Апайым әйләнеп ҡараһа, һыулы тас эсендә ултыра икән. Бысранған күлдәген йыуырға уйлағандыр, моғайын. Белеп ҡуйығыҙ: беҙҙең Әлиә таҙалыҡты ярата.
Йәйҙең иң матур хәтирәһе булып өлкән апайым Регинаның туйы иҫтә ҡалды. Ул Миәкә районы Шатмантамаҡ ауылына килен булып төштө. Беҙ бик күңелле итеп туйҙа ла йөрөп ҡайттыҡ. Регина апайым менән Марсель еҙнәйгә тигеҙ ғаилә тормошо, бәхет теләйем.
Шулай матур иҫтәлектәре менән өс айым үтеп тә китте. Яңы уҡыу йылын яңы көс, дәрт менән башларға, тырышып уҡырға кәрәк инде.
Әҙилә МӨСТӘХИТДИНОВА.
Йылайыр районы, Матрай ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж