+12 °С
Ямғыр
Бөтә яңылыҡтар
"Минең өс айым"
12 Июль 2019, 14:23
Торатауҙағы бер көнөм
Йәй – шундай матур, мөғжизәле миҙгел. Бигерәк тә беҙ, уҡыусылар, уны һағынып көтөп алабыҙ.
Хәҙер рәхәтләнеп ял итергә, киләһе уҡыу йылына көс тупларға була, тигән маҡсаттан сығып, йәйҙең иң матур көнө – 22 июндә синыф етәксебеҙ Марина Евгеньевна Маляренко һәм атай-әсәйҙәр менән бергә изге тауыбыҙ Торатауға походҡа юлландыҡ. Бергәләшеп уның түбәһенә күтәрелеү, хозур тәбиғәтебеҙ менән һоҡланыу онотолмаҫ хәтирәләр ҡалдырҙы. Әсәйем, Сәриә Сәйфулла ҡыҙы, башҡорт теле һәм әҙәбиәте уҡытыусыһы булараҡ, беҙгә Торатау, Туғар-Салған күленең легендалары, халҡыбыҙ тарихы менән бәйле хикәйәттәр һөйләне. Миллион йылдар элек был урында океан булыуын, Торатау, Ҡуштау, Йөрәктау, Шахтауҙың шул ваҡыттарҙан һаҡланып ҡалған риф массивтарын дәлилләгән таштарҙағы ҡабырсаҡтар эҙҙәренә юлыҡтыҡ. «Ҡыҙыл китап»ҡа индерелгән һирәк үҫемлектәр менән дә таныштыҡ. Уларҙы үҙ күҙҙәребеҙ менән күреп, тотоп ҡарау иҫ китмәле тәьҫораттар ҡалдырҙы.
Тау башында булғандан һуң, күлдә һыу индек, катамаранда йөрөнөк. Тулҡынландырғыс имтихандарҙан һуң синыфташтарыбыҙ менән тәбиғәт ҡосағында уйнаныҡ, күңелдәребеҙ булғансы шаярҙыҡ.
Беҙҙең ялды мауыҡтырғыс, йөкмәткеле һәм матур итеп ойошторғандары өсөн синыф етәксебеҙгә һәм атай-әсәйҙәребеҙгә рәхмәтлебеҙ. Улар төрлө ҡыҙыҡлы уйындар, конкурстар, спорт ярыштары әҙерләгән ине. Барыбыҙ ҙа ҡәнәғәт булып, яҡшы кәйеф менән ҡайттыҡ тыуған ҡалабыҙға.
Ныҡ оҡшаны сәйәхәт! Торатауҙағы иҫтәлекле бер көнөм ҡышҡы һыуыҡ көндәрҙә йылы тәьҫораттары менән дәртләндереп торор әле.
Айсыуаҡ ШӘМСЕТДИНОВ, X синыф уҡыусыһы.
Салауат ҡалаһы, 1-се гимназия.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж