-33 °С
Ясна
Бөтә яңылыҡтар
"Минең өс айым"
9 Сентябрь 2019, 11:07
Ҡара диңгеҙ ҡара түгел икән дә
Йәйгеһен әсәйебеҙ, Лиза һеңлем һәм мин ашҡынып август айын көттөк. Сөнки беҙ Анапа ҡалаһына сәйәхәткә барырға тейешбеҙ. Ҡара диңгеҙ, тигәс, һеңлем менән уны ҡап-ҡара, бысраҡ, тип күҙ алдына килтерә инек.
Бер ҙә улай түгел икән дә, һыуы ифрат саф, үтә күренмәле. Йылы ла, тоҙло ла, тимәк, шифалы ла. Диңгеҙҙә медузалар, башҡа һыу йәнлектәре йөҙөп йөрөй. Ҡояшта ялтырап ятҡан ҡомо һуң?! Әй, ҡыҙынып кинәндек! Ә Ҡара диңгеҙҙең ниңә шулай булыуын олатайым былай тип аңлатты: баҡтиһәң, төбөндә, 400 метр самаһы тәрәнлектә, һыу ағыулы икән. Унда бер ниндәй тереклек юҡ, йәшәй алмай. Көкөртлө водород менән ағыуланған, ти олатайым. Шуға ла Ҡара диңгеҙ тип атағандар. Йәл, шундай матур диңгеҙгә яман исем бирелгән.
Ҡайтып инеүебеҙгә беҙҙе тағы иҫтәлекле сюрприз көтә ине! Ун йылдан ашыу Америкала йәшәгән Гүзәл Сингх инәйебеҙ ҡунаҡҡа килгән. Вәт, шәп булды! Джеси олатай – һинд кешеһе. Ҡыҙҙары Йәсмин, бәләкәс Грейси менән дуҫлашып киттек, бүләктәр бирештек. Ҡәҙерле ҡунаҡтар ҡымыҙыбыҙҙы, буҙаны яратып эсте. Инәйебеҙ үҙҙәренең милли аштарын да бешереп ашатты. Бик тәмле булды.
Олатайыбыҙ менән Ҡыҙыл йылғаһына балыҡҡа йөрөргә лә өлгөрҙөк, һыу индек. Өләсәйебеҙгә лә баҡса эштәрендә ярҙамлаштыҡ. Быйыл бәшмәк ныҡ уңғас, уны йыйып һатып, аҡса ла эшләнек әле.
Бына шулай иҫтә ҡалырлыҡ матур ваҡиғалар бүләк итте быйылғы йәйге каникулыбыҙ.
Лиза һәм Ләйлә НӨҒӘМӘНОВАЛАР,
IV һәм VI синыф уҡыусылары.
Әбйәлил районы, Асҡарҙағы Таһир Күсимов исемендәге гимназия.
Читайте нас в
Гәзитебеҙ - дуҫыбыҙ
Күңелдәрҙең иләҫ-миләҫ сағы
1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
8 (347) 273-36-64, 89991334462.
Электрон почта
Адресы
450079, г. Уфа, ул. 50-летия Октября, 13, 8-й этаж