-14 °С
Болотло
TelegramТестарVKOK
Бөтә яңылыҡтар
"Минең өс айым"
13 Сентябрь 2019, 16:10

Тормош китабыма тағы бер бит өҫтәлде

Минең каникулым күптәргә билдәле булған Шүлгәнташҡа сәйәхәт ҡылыу­ҙан башланып китте. Мәмерйәнән ур­ғылып сыҡҡан Зәңгәр күлдең шифалы һыуын эсеп, тыуған еремдең хозур тәбиғәтенә һоҡланып, рәхәтләнеп ял иттем.

Йәйге ялымда ҡәҙерле өләсәйем­дең хәлен белешеп ҡайттым. Оло кеше менән һөйләшеп ултырыуҙары шул тиклем күңелгә йылылыҡ, наҙлылыҡ хистәрен өҫтәй. Өләсәйемдең яғымлы тауыш менән ихлас йылмайып һөйләгән ҡыҙыҡлы, мажараларға бай иҫтәлектәре күңелемдә мәңгелеккә һаҡланыр.

Йәйҙең иң яуаплы һәм ҡыҙыу ва­ҡыты – бесән эшләү. Туғандарым менән күмәкләп малға ҡышҡылыҡ­ҡа аҙыҡ әҙерләнек. Шулай уҡ апайҙа­рым менән көн дә тиерлек турғай, шар­тый еләгенә һәм көртмәле йыйырға йө­рөнөк. Әсәйем менән бергәләп ҡышҡылыҡҡа ҡайнатмалар әҙерләп ҡуй­ҙыҡ.

Каникулым иҫтәлектәргә, хәтирәләргә бай, күңелле, ҡыҙыҡлы, онотолмаҫ булып, күҙ асып йомғансы үтеп тә китте. Йәмле йәйем тормош китабыма яңы бер матур бит өҫтәне.


Сәлимә ДӘҮЛӘТШИНА, йәш хәбәрсе.
Бөрйән районы, Байназар ауылы.


Читайте нас в