+12 °С
Ямғыр
Бөтә яңылыҡтар
"Минең өс айым"
13 Сентябрь 2019, 16:18
«Йәйләү»ҙәге мөғжизәм
2019 йыл. Марат Әнис улы Ғилманов #ӘлшәйЙәйләү2019 хештегы менән саф башҡорт рухлы йәштәрҙе йыя башлай. Әлбиттә, был командаға тик иң яҡшылар ғына эләгә. Ошо әйҙәүселәр ғаиләһенә сая, батыр Илнар, Айгиз, Адик, Сабит, Илнур, әлбиттә, Марат ағайҙар һәм һылыуҙарҙан-һылыу, һөйкөмлө Әҙилә, Гүзәл, Айзилә, Әлиә апайҙар инә.
Быйылғы йәйге ялым айырыуса үҙенсәлекле, сағыу хәтирәләргә бай булды. Миңә Башҡортостаныбыҙҙың иң шәп лагерҙарының береһе булған «Йәйләү»гә эләгеү бәхете тейҙе.
Шулай итеп, беҙҙең смена июнь аҙағында башланды. Лагерға иң-иңдәр генә тупланғайны. Ҡайҙан ғына килмәгәндәр бында: Башҡортостандан, Рәсәйҙең төрлө тарафтарынан, мәҫәлән, Татарстан Республикаһынан.
Төрлө яҡтан йыйылыуыбыҙға ҡарамаҫтан, беҙ үҙ-ара уртаҡ телде бик тиҙ таптыҡ. Сөнки эргәбеҙҙә әйҙәүселәр бар ине. Улар менән бергәләп төрлө бәйгеләрҙә, кисәләрҙә ҡатнаштыҡ. Ырыуҙарға бүленеп, татыу бер ғаилә кеүек йәшәнек.
Иртәнсәк беҙҙе моңло башҡорт ҡурайы уятһа, кисен наҙлы көй йоҡоға оҙата. Рухи яҡтан ғына түгел, физик яҡтан да нығындыҡ. Зиһенебеҙҙе байытыр өсөн бында төрлө интеллектуаль уйындар, конкурстар, ярыштар, кисәләр, мауыҡтырғыс саралар ойошторолдо. Мәҫәлән, нөктәләрҙән йөрөп, Башҡортостаныбыҙҙың райондарына, ер-һыуына, батырҙар иленә сәйәхәт иттек. Яңы ҡыҙыҡлы мәғлүмәттәр белдек. Тағы ла «Батыр», «Һомай», «Бейеү», «Тарих», «Футбол», «Волейбол», «Журналистика», «Ҡурай» түңәрәктәре эшләне.
Шул тиклем күңелле булды. Хатта күршеләге лагерь вәкилдәре яныбыҙға килеп: «Һеҙҙә ҡалай рәхәт, ошонда ял итһәк ине...» – тип белдерҙе. Улар менән бергәләп йырлап, бейеп ала инек.
Лагерҙағы 21 көн «һә» тигәнсе үтте лә китте. Бер туғандай яҡынайып бөткәс, ҡайтыр ваҡыт та етте… Әммә беҙ бик төшөнкөлөккә бирелмәнек, сөнки был осрашыу һуңғыһы түгеллеген аңланыҡ. Башҡортостандан булғандар менән тағы ла күрешергә мөмкинлек бар бит. Лагерҙан ҡайтҡас, Йылайырҙа йәшәгән ырыуҙашым Гөлйөҙөм менән осрашып та өлгөрҙөм әле.
Марат ағайға, әйҙәүселәргә, кескәй йөрәкле ҙур ғаиләмә сәләмемде еткереп, мөғжизәле мәлдәр өсөн рәхмәт әйтәм.
«Йәйләү» – иҫ китмәле бәләкәй бер донъя! Бар яҡтан да өлгөлө лагерь ул! Матур үткән көндәремә ҡыуанып бөтә алмайым.
Йәнгүзәл ЗӘЙНУЛЛИНА, VII синыф уҡыусыһы.
Баймаҡ ҡалаһы, 4-се лицей.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж