+12 °С
Ямғыр
Бөтә яңылыҡтар
"Минең өс айым"
20 Сентябрь 2019, 16:01
Йомран да сәләмләй
Быйылғы йәйем дә матур үтте. Баймаҡ районының Күсей ауылына сәйәхәт менән башланып китте ул.
Юлда барғанда ҡурайға арналған һәйкәлде күрҙек. Уның янында фотоға төштөк.
Күсей ауылы мәктәбендәге музейҙа булдыҡ. Миңә ундағы биҙәүестәр оҡшаны. Төрлөләре бар икән. Иҫке «Әлифба»ларҙы күреп һоҡландыҡ. Улар араһында хатта өләсәйем уҡығаны ла осраны.
Музейҙан сыҡҡас, аҡланға юлландыҡ. Тамаҡ ялғап алдыҡ, самауыр сәйен эстек. Яҡында ғына балалар һабантуйы бара ине. Унда ҡалаҡҡа йомортҡа һалып йүгерҙек, тоҡ менән һикерҙек, эстафетала ҡатнаштыҡ. Атай-әсәйҙәр ҙә уйнап алғас, яңынан сәй эскән урынға табан ыңғайланыҡ. «Йөрәк һүҙе» шиғриәт бәйгеһен ойошторҙоҡ. Мин, һеңлем һәм әсәйем «Һүҙ оҫтаһы» тигән призға лайыҡ булдыҡ.
Был көндө синыфташтар менән рәхәтләнеп ял иттек. Шаярҙыҡ, туйғансы уйнаныҡ, көлөштөк. Кис еткәс кенә өйгә ҡайтып киттек.
Ике көндән һуң Хәйбулла районындағы Әбешкә барҙыҡ. Һаҡмарҙа туйғансы һыу индек. Атайым Радик ағайға бесән эшләшеп тә өлгөрҙө. Иртәгеһенә Парапал тауына мендек. Белһәгеҙ икән, унда еләк түшәлеп ятҡанын?! Был хәтлем күплеген күргән юҡ ине әле. Парапал башынан Вәзәм, Әбеш ауылдарының матурлығына оҙаҡ һоҡланып ҡарап торҙоҡ. Бер мәл аҫҡа төшә башланыҡ. Тик Ынйыҡай апайым менән әсәйем әллә ҡайҙа булды ла ҡуйҙы? Туҡтап, бар тирә-яҡты яңғыратып ҡысҡырабыҙ. Тауыштары ла ишетелмәй, үҙҙәре лә күренмәй... Аптыраныҡ. Хатта ҡурҡтыҡ та. Шулай ҙа үҙебеҙҙе йыуатып, ярар, икенсе яҡтан төшкәндәрҙер, тип аҫҡа табан ыңғайланыҡ. Килһәк, ни күрәбеҙ, улар машина эргәһендә йөрөп ята. Ҡыуаныстан көлөп ебәрҙек.
Өләсәйемә хәл белергә лә йыш барып торҙом. Уның өйөнә етәрәк һәр саҡ бер йомран осраны. Үҙе матур ғына. Бик йылғыр, күҙҙәре йызлап тора. Нисә барһаҡ, шунса юлда осрай. Әллә ул беҙҙе сәләмләй инде.
Миңә быйылғы каникулым да ныҡ оҡшаны. Үткәнен һиҙмәй ҙә ҡалдым.
Хуш бул, матур ялым, икенсе йылға тиклем!
Алтынай АҠМАНОВА, II «В» синыфы уҡыусыһы.
Сибай ҡалаһы, Рамаҙан Өмөтбаев исемендәге башҡорт лицейы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж