+12 °С
Ямғыр
Бөтә яңылыҡтар
"Минең өс айым"
5 Июнь 2020, 14:11
Һағынып көткән миҙгелем етте
Ур-ра! Ниһайәт, һағынып көткән йәмле йәй ҙә килеп етте. Күпме рәхәтләнеп ял итәһе, ҡояш нурҙары аҫтында ҡыҙынаһы, ҡулға дәфтәр-ручка алмайынса, мәктәп тураһында онотоп йәшәйһе бар...
«Мәктәпкә һуңланың, балам! Тиҙерәк тора һал?» йә булмаһа «Бөгөн нисәлеләр алып ҡайттың?» тигән һүҙҙәрҙе өс айға онотоп торорға ла була. Эй, рәхәт тә инде был миҙгелдә!
Уҙған йылдағы йәйем бик иҫтәлекле һәм файҙалы үткәйне. Быйылғыһына ла ҙур өмөттәр бағлайым.
Бындай йәмле айҙарҙы ауылда үткәреүҙең яҡшы яҡтары күберәктер, тип уйлайым.
Әсәй, һеңле-апайҙар менән еләк-емешкә йөрөргә була. Бигерәк тә беҙҙең яҡтарҙа турғай һәм шартый еләктәре, көртмәле күп үҫә, уңа. Уларҙы йыйып туңдыраһың, төрлө ҡайнатмалар, ҡаҡтар әҙерләйһең, ә аҙаҡ инде рәхәтләнеп һыйланаһың. Ауырыуҙар көслө булғанда, иммунитет ҡаҡшаған ваҡытта ла ярҙамға килә улар. Шуға юҡҡа ғына: «Йәйҙең бер көнө йылды туйҙыра», – тимәйҙәрҙер инде.
Ауыл балаларының күп ваҡыты йәйгеһен бесән эшләп үтә. Мин дә атай-олатайыма малдарыбыҙға аҙыҡ әҙерләргә ярҙамлашам. Тәбиғәт ҡосағында ваҡыт һиҙелмәй ҙә үтеп китә. Күмәкләшеп урман сәйе эсеүе лә бик күңелле!
Йәй, тиһәң, минең күҙ алдыма урамда уйнауҙар, таң ҡаршылауҙар килә. Ысынлап та, шундай матур көндә нисек өйҙә ултырмаҡ кәрәк. Бәләкәйерәк саҡта дуҫтарым менән саф һауала төрлө уйындар уйнай торғайныҡ. Рәхәтләнеп туп тибә инек. Ныҡ мауығып, онотолоп китеп, киске сәғәт 10 – 11-ҙәр тирәһендә саҡ өйгә ҡайтып ингәндәрем әле лә хәтеремдә.
Каникулымды уйнап-көлөп кенә түгел, файҙалы итеп үткәрергә лә тырышам. Бына бер нисә йыл инде ғаиләбеҙ менән емеш-еләк йыйып һатабыҙ. Иш янына ҡуш булыр, ти әсәйем. Йыйған аҡсабыҙ яңы уҡыу йылына кейем-һалым алыуға китә.
Быйылғы йәй ҙә мауыҡтырғыс, иҫтәлекле ваҡиғаларға бай булыр, тигән ышаныстамын. Туйғансы ял итеп, яңы көс, дәрт менән яңы уҡыу йылында XI синыфҡа аяҡ баҫырмын, Алла бирһә!
Заһиҙә МОРАТШИНА.
Бөрйән районы, Байназар мәктәбе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж