-4 °С
Болотло
Бөтә яңылыҡтар
"Минең өс айым"
3 Июль 2020, 14:17
Оҫта итеп ҡоймаҡ ҡойорға өйрәндем
Йәй көнө бигерәк тә эҫе, рәхәт, туйғансы һыу инергә лә була. Димдә күңелем булғансы йөҙәм, Марсель ағайым менән балыҡ та тотабыҙ. Тиҫтер ҡыҙҙар, малайҙар менән һыуҙа уҙышабыҙ, ҡомда ятып ҡыҙынабыҙ. Оҙаҡ ҡына ваҡытыбыҙҙы йылға буйында үткәреп, ҡыҙыҡлы ваҡиғалар хаҡында һөйләшеп көлөшәбеҙ, өләсәйҙәр биреп ебәргән тәм-том менән һыйланабыҙ. Күңелле шундай!
Ә кисен инде йәшелсәләргә һыу һибеү кеүек эштәрҙә олатай, өләсәйҙәргә булышабыҙ. Быларҙан тыш, мин тағы ла бешеренергә бик яратам. Ҡоймаҡты оҫта итеп ҡойорға өйрәнеп алдым. Йыш ҡына өйҙәгеләрҙе тәмле, майлы тәмлекәс менән һыйлайым.
Олатайым менән өләсәйем беҙҙең ярҙамға бик риза. Шулай булмай ни, мин ялға килеү менән үк һауыт-һаба, иҙән, кер, аяҡ кейемдәрен йыуыуҙы, түтәлдәге сүптәрҙе утауҙы үҙ өҫтөмә алып ҡуйҙым. Ә Марсель ағайым магазинға барып, аҙыҡ-түлек ала, йәшелсәләргә һыу һибә.
Был эштәрҙән буш ваҡытта мин күңелле үткән көн тәьҫораттарымды һүрәткә төшөрәм. Рәсем яһарға бик әүәҫмен шул. Уҡытыусым Сәриә Фәзулла ҡыҙы Ишкинина минең рәсем дәресендә төшөргән һүрәттәремде гел маҡтап, синыфташтарға өлгө итеп күрһәтә.
Ауылда йәйгеһен өләсәйем менән башҡортса йырҙар ҙа өйрәнәбеҙ. Уны видеоға ла төшөрөп барабыҙ. Яңыраҡ «Тыуған яҡ» йырын яҙҙырҙыҡ. Тағы ла мин һабындарҙы ҡырып, төрлө формаларға һала беләм. Әле ауылда ялда булған дуҫтарыма ла ошо шөғөлөмдө өйрәттем. Бик шатландылар.
Шулай итеп, беҙ рәхәтләнеп ял да, олатай, өләсәйгә ярҙам да итәбеҙ. Беҙҙең өләсәй бик күп ҡыҙыҡлы әкиәттәр белә. Кисен арып-талып, уңышлы үткән көнгә шатланып, уның тылсымлы ҡарһүҙҙәрен тыңлап, йоҡлап китәбеҙ.
Алтынай МУЛЛАҒОЛОВА.
Өфө ҡалаһы, 119-сы мәктәп.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж