-31 °С
Болотло
Бөтә яңылыҡтар
"Минең өс айым"
11 Сентябрь 2020, 20:09
Ҡурҡҡанға ҡуш күренә
Тыуған яғымда төрлө файҙалы үҫемлектәр үҫә. Уларҙы иртә яҙҙан ҡара көҙгә тиклем йыйырға мөмкин. Бер көндө ҡаланан ҡайтҡан апайым да: «Әрем өлгөрҙө. Әйҙә, аръяҡҡа сығып киләйек», – тип миңә өндәште.
Өләсәйҙәремдең янында ғына Еҙем йылғаһының икегә бүленеп аҡҡан ерендә бәләкәй генә утрау бар. Шуны аръяҡ тип йөрөтәләр. Ҡоро килгән йәйҙән ныҡ ҡына һайыҡҡан, урыны-урыны менән сай баҫҡан йылғаны кисеп сыҡтыҡ та эшкә тотондоҡ. «Әрем – көслө антибиотик. Уны самалап һәм белеп кенә эсергә кәрәк», – тип һөйләнеп йөрөгән апайым бер ваҡыт: «Ҡастыҡ! Ҡабан!» – тип ҡысҡырып ебәрмәһенме.
Ҡыр сусҡаһының кешегә һөжүм иткәнен атайым һөйләгәне бар ине. «Йүгереп ҡасып булмаһа, ағас башына менеү – берҙән-бер сара», – тигәне иҫемә төшөп, бар көсөмә һыпырта башланым. Әлбиттә, оҙаҡ йүгерергә тура килмәне. Һыуға төшөү менән апайым: «Йә, етәр, тыныслан. Был яҡҡа сығырға уның да башы икәү түгел бит», – тине.
Өйҙәгеләр беҙҙең буш ҡул менән ҡайтыуҙы аптырап ҡаршы алды. Ҡабан мажараһын һөйләгәс, бигерәк тә олатайым күҙҙәренән йәштәр сыҡҡансы көлдө. «Ниндәй ҡыр йәнлеге был тирәгә аяҡ баҫһын?! Ярҙың теге яғы ситтән килгән ял итеүселәр менән тулған. Был яғында ауыл халҡы һыу инә. Көнө-төнө аҡырған музыка тауышынан ул бахырҙар йәйен, киреһенсә, төпкәрәк китәлер әле. Ауылда бер генә кеше сусҡа тота. Шул темеҫкенеп йөрөй. Ошо йәшеңә етеп, һин дә сусҡаны ҡабандан айыра алмайһыңмы ни?» – тип апайыма ҡарап, олатайым тағы ла рәхәтләнеп көлдө. «Был заманда ауылда ҡатыморон тотоусылар барҙыр, тип кем уйлаған?!» – тип апайым яурындарын һикертте.
Икенсе көндө маҡсатыбыҙға ирештек. Ер-әсәбеҙгә рәхмәт әйтә-әйтә, ҡосаҡ менән әрем йыйып алып ҡайттыҡ. Ә ҡотобоҙҙо алған теге сусҡа кибеп барған күләүек эсендә рәхәтләнә ине. Беҙҙе күреү менән, кисә ҡурҡытҡаны өсөн ғәфү үтенгәндәй, бер генә мөлдөрәп ҡараны ла арҡаһына әйләнеп ятты.
Динислам ЗӘЙНЕТДИНОВ.
Ғафури район, Юлыҡ мәктәбе.
Читайте нас в
Гәзитебеҙ - дуҫыбыҙ
Күңелдәрҙең иләҫ-миләҫ сағы
1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
8 (347) 273-36-64, 89991334462.
Электрон почта
Адресы
450079, г. Уфа, ул. 50-летия Октября, 13, 8-й этаж