+12 °С
Ямғыр
Бөтә яңылыҡтар
"Минең өс айым"
19 Сентябрь 2020, 00:27
Эшкә лә өйрәндем, ял да иттем
Йәйгеһен Бөрйән районының Брәтәк ауылына Ғәйнулла олатайым менән Рәйлә өләсәйебеҙгә ҡунаҡҡа барҙыҡ. Атайым менән әсәйем ялдан һуң ҡайтып китте, ә мин тороп ҡалдым. Оҙон йәйге каникул бит!
Беренсе көндә үк беҙ өй бураһын ултыртырға нигеҙ эшләй башланыҡ. Шулай уҡ ярҙамлашырға ике туған ағайым Булат менән Зиннур бабайым да килеп етте. Нигеҙҙе эшләп бөткәс, олатайыма бесән сабышып, күбәләштем. Шунан утынлыҡ башын яба торған ҡалайҙы таҙартып, өләсәйем менән буяп ҡуйҙыҡ.
Көн һайын эштәр бөтөү менән олатайым, Ильяс ҡустым, Сәмирә һеңлем менән балыҡ тоторға йөрөнөк. Өләсәй ҙә йылға буйына төштө, беҙ рәхәтләнеп һыу индек, ул – беҙгә күҙ-ҡолаҡ.
Атай-әсәйем һәм Илдар ҡустым тағы ауылға килгәс, беҙ күбәләгән бесәнде һарайға ташыныҡ. Аҙаҡ атайым һәм Айнур бабайым әҙер ҡалай менән утынлыҡ башын япты. Мин дә ҡулымдан килгәнсе уларға ярҙам иттем. Өй алды бик матур булып китте.
Шунан ғаиләбеҙ менән Бөрйән районы буйлап сәйәхәткә юлландыҡ. Шүлгәнташ мәмерйәһен барып күрҙек. Шифалы һыуын эсеп ҡараныҡ, аҙаҡ сумып та өлгөрҙөк. Һыуы һыуыҡ ине. Барыбер шәп, ныҡ оҡшаны. Сәйәхәт бик фәһемле булды, күп нәмәләр хаҡында белдем.
Бөрйәндән ҡайтҡас, Ғафури районында йәшәгән Миңлегөл өләсәйем менән Салауат ҡартатайым янына ла ҡунаҡҡа барып ҡайттыҡ.
Каникулымдың һуңғы көндәрендә китапхананан ҡыҙыҡлы китаптар алып уҡыным. Мәктәпкә әҙерләндем.
Матур үтте йәйге ялым.
Таһир ҒӨБӘЙҘУЛЛИН, 7 (2) төркөмө тәрбиәләнеүсеһе.
Ишембай ҡалаһы, Әхмәтзәки Вәлиди исемендәге 2-се башҡорт интернат-гимназияһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж