+12 °С
Ямғыр
Бөтә яңылыҡтар
"Минең өс айым"
25 Сентябрь 2020, 13:26
Еңеүселәрҙе ҡотлайбыҙ!
Быйылғы яңы уҡыу йылын уҡыусылар ныҡ һағынып көтөп алды. Шөкөр, балалар уҡытыусылары менән күҙгә-күҙ ҡарашып мәктәптәрҙә белем ала башланы. Бик ҡыуаныслы күренеш, тик бынау коронавирус пандемияһы ғына тиҙерәк үтеп китһен ине.
Беҙгә лә, ниһайәт, гәзитебеҙҙә йәйге ял мәлендә ойошторолған «Минең өс айым» конкурсының еңеүселәрен билдәләргә ваҡыт етте. Каникулдарында «Йәншишмә»нән айырылмаған тоғро дуҫтарыбыҙҙан бик күп хаттар алдыҡ. Бигерәк тә Баймаҡ, Бөрйән, Туймазы райондарынан, Сибай һәм Өфө ҡалаларынан килгән хәбәрҙәр ҡыуандырҙы. Маладистар!
Ә еңеүселәрҙе билдәләгәндә, бәйгенең шарты буйынса, төрлө ҡыҙыҡ хәлдәр, күңелле сәйәхәттәр, мажаралар тураһында яҙылған матур йөкмәткеле хаттарға өҫтөнлөк бирелде. Шулай итеп:
I урын – Айгизә АБЗАЛОВА (Туймазы районы, Бишҡурай мәктәбе), «Беҙ нисек һыйыр һауҙыҡ», «Мажаралы көн», «Бесәндә»;
II урын – Юлдаш БУЛАТОВ, йәш хәбәрсе (Баймаҡ районы, Билал мәктәбе), «Йәншишмә»мдән айырылмайым», Фирзәлиә ҠАРАМЫШЕВА, йәш хәбәрсе (Бөрйән районы, Әбделмәмбәт мәктәбе), «Мин нисек велосипедлы булдым?»;
III урын – Ландыш РАМАҘАНОВА (Туймазы районы, Бишҡурай мәктәбе), «Максимды оҙаҡ эҙләнем», «Мәктәпте һағынып бөттөм», Ильяс СИБӘҒӘТУЛЛИН (Өфө ҡалаһы, 119-сы мәктәп), «Тауыҡтар тормошон өйрәнәм», Динислам ЗӘЙНЕТДИНОВ (Ғафури районы, Юлыҡ мәктәбе), «Ҡурҡҡанға ҡуш күренә», Динислам КАШАПОВ (Өфө районы, Дорогин мәктәбе), «Дуҫымды ҡотҡарҙым»;
Ә бына Булат ХӘЙРЕТДИНОВ (Туймазы районы, Серафимовкалағы 3-сө мәктәп), «Һағынып көтөп алам», Таһир ҒӨБӘЙҘУЛЛИН, 7(2) төркөм тәрбиәләнеүсеһе (Ишембай ҡалаһы, Әхмәтзәки Вәлиди исемендәге 2-се башҡорт интернат-гимназияһы), «Эшкә лә өйрәндем, ял да иттем», Таһир НАФИҠОВ (Өфө ҡалаһы, 119-сы мәктәп), «Төрлөбөҙ төрлө яҡҡа таралды», Алтынай АҠМАНОВА (Сибай ҡалаһы, Рамаҙан Өмөтбаев исемендәге башҡорт лицейы), «Ҡаҙ бәпкәләре ҡараным» мәҡәләһе өсөн дәртләндереү призы менән бүләкләнә.
Бәйгегә иң тәүге булып хатын ебәргән Заһиҙә МОРАТШИНАға (Бөрйән районы, Байназар мәктәбе) махсус бүләк тапшырыласаҡ.
Кемдәр призлы урын алмаған, күңелдәрегеҙҙе төшөрмәгеҙ. Бәйгелә ҡатнашҡан һәр уҡыусыға рәхмәтебеҙҙе еткерәбеҙ.
Артабан да яҙышып, редакция ойошторған төрлө бәйге-конкурстарҙа ҡатнашып тороғоҙ. Һеҙҙән ҡыҙыҡлы хаттар көтөп ҡалабыҙ.
Зөһрә ХӘКИМОВА, хаттар бүлеге хәбәрсеһе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж