Йүрүҙән йылғаһында һыу инәбеҙ, тиҫтерҙәрем менән футбол уйнайбыҙ. Еләк тә йыйып һаттыҡ, уның аҡсаһына әсәйем ҡаҙ бәпкәләре алды. Шунан беҙгә тағы ла эш өҫтәлде. Илһам ҡустым менән ҡаҙ бәпкәләрен көтәбеҙ. Эй, күңелле инде! Уларҙы яратып, һәр хәрәкәттәрен күҙәтеп, һоҡланып ҡарайбыҙ. «Ҡаҙҙар – изге ҡоштар, уларға таяҡ менән һуғырға, таш ырғытырға ярамай», – ти әсәйем.
Ауылда ял итеүе барыбер рәхәтерәктер, тип уйлайым. Юҡҡа ғына ҡаланан беҙгә килмәйҙәрҙер. Барыһына ла күңелле ял теләйем.
Инсаф ШӘМСЕТДИНОВ.
Салауат районы, Әлкә ауылы.