Бына әле каникулда ҡунаҡҡа барып, рәхәтләнеп ял итеп ҡайттыҡ. Өләсәй тәмле аштары, бәлештәре менән һыйлаһа, олатай менән сәмләнеп шашка уйнап кинәндек.
Бында төлкөләр бер кемдән дә ҡурҡмай, иркенләп йөрөй. Шулай өйрәнеп бөткәндәр, күрәһең. Беҙ барыбер һаҡ булырға тырыштыҡ.
Бер кис урамдан китеп барһаҡ, матур ғына бер төлкө осраны. Беҙгә күҙ ҙә һалманы. Ул, күрҙегеҙме инде, бындай ҡойроҡ һеҙгә тәтемәй, тип маҡтанып үтеп киткән һымаҡ тойолдо.
Төлкөнө оҙаҡ ҡына күҙәтеп торҙоҡ. Ысынлап та, һоҡланырлыҡ ине шул үҙе. Өйгә ҡайтҡас, был матурҡайҙы ҡағыҙға төшөрөп тә ҡуйҙым әле.
Салауат ХӘЙБУЛЛИН, V cиныф уҡыусыһы.
Белорет ҡалаһы,
21-се мәктәп.