Унда беҙ көндәр буйы уйнаныҡ, төрлө ярыштарҙа ҡатнаштыҡ. Бынан тыш, вожатыйҙар, ҡаланан килгән белгестәр ҡыҙыҡлы күнекмәләр ҙә үткәрҙе. Экскурсияларға ла шатланып йөрөнөк. Һәр сара ҡыҙыҡлы уҙҙы.
Вожатыйҙар ҙа беҙҙең менән уйнаны, шаярҙы, иң мөһиме – әрләмәнеләр. Һәр көнөбөҙ төрлө темаға арналды. Миңә, мәҫәлән, Гиннесс көнө оҡшаны, эй, ҡыҙыҡ булды. Кем иң оҙоно йәки иң бәләкәйе, кем иң ауыры йәки иң еңеле, кем иң ҙур йәки иң бәләкәй аяҡ кейеме кейә, кемдең сәсе иң оҙоно, кемдең тауышы көслөрәк, кем иң шәп йүгереүсе, кем иң оҫта һикереүсе, кем иң мәргәне... Көлөп хәл бөттө.
Мине 4-се отрядтың командиры итеп тәғәйенләгәс, бар тырышлығымды һалдым. Команданы алға сығарырға тигән маҡсат ҡуйып, алты отряд араһында III урынды алдыҡ. Ныҡ ҡыуандыҡ!
Лагерҙы ябыу тантанаһында миңә Маҡтау ҡағыҙы бирҙеләр, шатлығымдың сиге булманы.
Салауат Сарбулатов.
Баймаҡ ҡалаһы, 5-се мәктәп.