Мәктәпкә әҙерләнә башланыҡ

Хәҙер көндәр көҙгә тартым, иртән һалҡыныраҡ, тәбиғәттә лә үҙгәрештәр күренә. Баҫыуҙарҙа иген өлгөрә башланы, ҡайһы бер райондарҙа иген дә ура башланылар.  Ара-тирә ағастарҙа һары япраҡтар күренгеләй, ҡоштар ҙа моңһоуыраҡ һайрай башланы, буғай. Йәй ҙә үтеп бара. 
Беҙ ҙә каникулдарҙы иҫтә ҡалырлыҡ итеп үткәрергә тырыштыҡ: емеш-еләк, дарыу үләндәре йыйҙыҡ, бесән эшләнек, йылғала һыу индек, ҡояшта ҡыҙындыҡ. Йорт эштәрендә лә ҡатнаштыҡ. Ҡаҙ бәпкәләрен  ҡараныҡ. Буш ваҡытыбыҙ булыу менән төрлө ерҙәргә сәйәхәт ҡылдыҡ. Күңелле каникул көндәребеҙ бына шулай үтеп бара.
Әкренләп кенә мәктәпкә әҙерләнә башланыҡ. Ә һеҙ, дуҫтар, белем усағығыҙҙы һағындығыҙмы?

Рушана ҒИЛМАНОВА, IX «Б» синыфы уҡыусыһы.

Дыуан районы, Мәсәғүттәге Тимер Йосопов исемендәге республика интернат-лицейы.