Сараға килгән өлкәндәр эшлекле программа буйынса уйынсыҡтарҙың әһәмиәте, үҫеп килеүсе быуынды тәрбиәләүҙә уйындарҙың роле тураһында фекер алыша. Ә малайҙар һәм ҡыҙҙар төрлө оҫталыҡ дәрестәрендә, уйындарҙа, осрашыуҙарҙа ҡатнаша. Мәҙәни программа ла бик бай: концерттар, спектаклдәр, йәнһүрәттәр...
"Уйынсыҡ бүләк ит" тигән хәйриә акцияһы ла ойошторолған. Йыйылған тәтәйҙәрҙе дауаханаларға, Өфө хосписына тапшырасаҡтар.
Шулай уҡ "Уйынсыҡтар өсөн госпиталь-оҫтахана" эшләй. Унда үҙеңдең уйынсығыңды килтереп, дауалаусы оҫта менән бергәләп яңыртырға мөмкин. Йә булмаһа ҡалдырып китәһең һәм әҙер булғас, барып алаһың.
Фотола уйынсыҡтар докторы Наталья Алябина тәтәйҙәрен дауаларға килтергән ҡыҙҙар менән.
Фото: Э.ӘСӘҘУЛЛИНА.