+10 °С
Болотло
Бөтә яңылыҡтар
Осрашыуҙар
26 Ғинуар 2018, 14:44
Онотолмаҫ осрашыу
Йылғалар – шишмәләрҙән, оло юлдар һуҡмаҡтарҙан башланған кеүек, ҙур эштәр ҙә кескәй хыялдарҙан барлыҡҡа килә. Атайым да, әсәйем дә, үҙҙәре башҡорт теле һәм әҙәбиәте уҡытыусылары булғанға күрәлер, мине матур итеп һөйләшергә, һүҙ ҡәҙерен белергә өйрәтте. Бәләкәй саҡтан шиғыр, мәҡәләләр яҙыштыра торғайным. Башланғыс синыф уҡытыусыларым Рәзилә Таштимер ҡыҙы Дәүләтбаева менән Гөлнара Ғәлимйән ҡыҙы Сәлимова һүҙ сәнғәтенең нескәлектәренә юл асһа, башҡорт теле һәм әҙәбиәте уҡытыусыһы Айгизә Рәүил ҡыҙы Рәхмәтуллина эштәремде «Йәншишмә»гә ебәрергә тәҡдим итте. Әлеге ваҡытта яратып уҡыған гәзитемдә өс мәҡәләм донъя күрҙе. Шатлығымдың иге-сиге булманы. Тиҫтерҙәремдең яҙғандары менән дә танышып барам. «Йәншишмә» яратып уҡыған баҫмама әйләнде.
Йылғалар – шишмәләрҙән, оло юлдар һуҡмаҡтарҙан башланған кеүек, ҙур эштәр ҙә кескәй хыялдарҙан барлыҡҡа килә. Атайым да, әсәйем дә, үҙҙәре башҡорт теле һәм әҙәбиәте уҡытыусылары булғанға күрәлер, мине матур итеп һөйләшергә, һүҙ ҡәҙерен белергә өйрәтте. Бәләкәй саҡтан шиғыр, мәҡәләләр яҙыштыра торғайным. Башланғыс синыф уҡытыусыларым Рәзилә Таштимер ҡыҙы Дәүләтбаева менән Гөлнара Ғәлимйән ҡыҙы Сәлимова һүҙ сәнғәтенең нескәлектәренә юл асһа, башҡорт теле һәм әҙәбиәте уҡытыусыһы Айгизә Рәүил ҡыҙы Рәхмәтуллина эштәремде «Йәншишмә»гә ебәрергә тәҡдим итте. Әлеге ваҡытта яратып уҡыған гәзитемдә өс мәҡәләм донъя күрҙе. Шатлығымдың иге-сиге булманы. Тиҫтерҙәремдең яҙғандары менән дә танышып барам. «Йәншишмә» яратып уҡыған баҫмама әйләнде.
Күптән түгел гәзиттең баш мөхәррире Мирсәйет Юнысов менән осрашыу барыбыҙ өсөн дә оло ваҡиға булды. Килгәнен көтөп алдыҡ. Гәзиттең яҙмышы, киләсәге тураһында барған әңгәмә беҙҙә бик ҙур уй-кисерештәр ҡалдырҙы.
Синыфташтарым үҙҙәренең һөнәрҙәрен күрһәтте: Айнур Ҡашҡаров менән Айтуған Нәҙербаев – баянда, Морат Ишбирҙин ҡурайҙа дәртле көйҙәре менән осрашыуыбыҙҙы тағы ла нығыраҡ йәмләп ебәрҙе. Мин халыҡ йыры «Тирәккәйем»де башҡарҙым.
Алыҫ араларҙы яҡын итеп килгән ҡунаҡтарыбыҙ «Мәктәбем ғорурлығы» конкурсында ҡатнашыуым өсөн Маҡтау грамотаһы тапшырған ваҡытта синыфташтарым да ихлас күңелдән ҡыуанып ултырҙы. Мин тағы ла ҙурыраҡ хыялдар хаҡында уйландым. Яңы йылға яңы маҡсат – гәзиткә әүҙем яҙышып, «Йәш хәбәрсе» танытмаһын алырға ынтылыу.
Бик ҙур рәхмәтемде башҡорт теле һәм әҙәбиәте уҡытыусыһы Айгизә Рәүил ҡыҙына, мине һәр ваҡыт дәртләндереп, ҡеүәтләп тороусы атай-әсәйемә һәм дә хыялымды тормошҡа ашырыусы «Йәншишмә» гәзите редакцияһы хеҙмәткәрҙәренә белдерәм.
Йәнгүзәл ЗӘЙНУЛЛИНА, VI «В» синыфы уҡыусыһы.
Баймаҡ ҡалаһындағы 4-се лицей.
Читайте нас в
Гәзитебеҙ - дуҫыбыҙ
Күңелдәрҙең иләҫ-миләҫ сағы
1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
8 (347) 273-36-64, 89170477422.
Электрон почта
Адресы
450079, г. Уфа, ул. 50 летия Октября, 13, 8-й этаж