-4 °С
Болотло
Бөтә яңылыҡтар
Осрашыуҙар
27 Март 2020, 15:35
Ил инәһе менән осрашыу
Гимназиябыҙға яҙыусы, мәғрифәтсе, йәмәғәт эшмәкәре, Салауат Юлаев ордены кавалеры Мәрйәм Бураҡаева ҡунаҡҡа килде.
Халҡыбыҙҙың рухын күтәреп, йәшәүгә дәрт, илһам уятыусы ил инәһе менән осрашыу бик йылы, йәнле барҙы, ихлас фекер алышыу ойошторолдо. Яҙыусы үҙе менән булған төрлө ҡыҙыҡлы хәл-ваҡиғаларҙы иҫенә төшөрҙө, туған телгә һөйөүҙең ни тиклем ҡәҙерле һәм һутлы булыуын төшөндөрҙө, «Урал батыр» эпосының тәрбиәүи әһәмиәтен аңлатып үтте. Ҡыҙҙар һәм малайҙар уның ҡайҙан ижади инеш, көс, илһам алыуы менән ҡыҙыҡһынды һәм үҙҙәрен борсоған бик күп һорауҙарға яуап алды.
Мәрйәм Сабирйән ҡыҙы менән күҙгә-күҙ ҡарашып һөйләшеү рухыбыҙҙы байытып ебәрҙе. Был йәнле осрашыу беҙҙең күңелдәрҙә оҙаҡ һаҡланыр. Матур кисәне «Төлкәҫ» (етәксеһе – А. Буранова), «Быҙыбыт» өлгөлө бейеү ансамблдәре (И. Хәбибуллин), «Айҙарман», «Наҙ», «Рух» вокал төркөмдәренең (Д. Абдуллина) сығыштары биҙәне. Гимназия китапханаһы тырышлығы менән «Ил инәһе – Мәрйәм Бураҡаева» исемле бай йөкмәткеле китаптар, һүрәттәр күргәҙмәһе лә әҙерләнгәйне.
Кисәне йәнле итеп алып барыусы IX синыф уҡыусыһы Лилиә Саттароваға һәм унынсынан Денис Шәмсетдиновҡа: «Афарин!» – тип әйтәһе генә ҡала. Осрашыуҙы ойошторғаны өсөн Нияз Мәжитов исемендәге Красноусол башҡорт интернат-гимназияһы директоры Гөлсөм Мөбәрәк ҡыҙы Монасиповаға ла ҙур рәхмәт.
Регина ХӘЗИӘХМӘТОВА, IX синыф уҡыусыһы.
Ғафури районы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж