+17 °С
Болотло
Бөтә яңылыҡтар
Осрашыуҙар
18 Декабрь 2020, 12:23
Бер осрашыу - үҙе бер ғүмер
Яңыраҡ Ишбарс мәктәбендә ғәҙәти булмаған осрашыу уҙҙы. Онлайн рәүештә ойошторолдо ул. Был осрашыуға Башҡортостандың атҡаҙанған мәҙәниәт хеҙмәткәре, Рәсәйҙең мәғариф алдынғыһы, Баязит Бикбай исемендәге әҙәби премия лауреаты, балалар яҙыусыһы Фәрзәнә Ғөбәйҙуллина саҡырылды.
Интернет селтәре аша үткән сарала белем усағының 15 уҡыусыһы, Стәрлетамаҡ районы мәғариф бүлегенең туған телдәр буйынса методисы, Стәрлетамаҡ районы башҡорттары ҡоролтайының вәкиле Илүзә Рәйес ҡыҙы Ҡарағолова, башҡорт теле һәм әҙәбиәте уҡытыусылары ҡатнашты.
Осрашыу бик йәнле үтте. Уҡыусылар сыуаш мәктәбендә уҡыһалар ҙа, башҡорт телен яҡшы белеүҙәрен күрһәтте. Һорауҙар бирҙеләр, шиғырҙар уҡынылар. XI синыф уҡыусыһы Алиса Полушкина, X синыф уҡыусыһы Элина Александрова, VI синыф уҡыусыһы Ваня Артемьев һөйләүендә Фәрзәнә Ғөбәйҙуллинаның ижад емештәре бигерәк тә матур яңғыраны. Ә инде Алиса барлыҡ тыңлаусыларҙы әсир итте. Ҡыҙ барлыҡ өндәрҙе дөрөҫ әйтеп, саф башҡортса һөйләүе менән күңелдәрҙе арбаны. Быға һис тә аптырарлыҡ түгел, башҡорт теле – уның иң яратҡан дәрестәренең береһе. Өс йыл рәттән башҡорт теленән район олимпиадаһында беренсе урын яулап килә. Һуңғы ике йылда төбәк-ара бәйгелә лә ҡатнашты.
Кемгә тейә әле 40-тан ашыу әкиәттәр, бик күп шиғырҙар, хикәйәләр, пьесалар авторы, «Балалар әҙәбиәте антологияһы»н өс томда әҙерләп сығарыусы, оҫта тәржемәсе менән осрашыу! Был сара уҡыусы балалар өсөн генә түгел, башҡорт теле уҡытыусылары өсөн дә бик иҫтәлекле булды.
Гүзәл КИНЙӘБАЕВА,
башҡорт теле һәм әҙәбиәте уҡытыусыһы.
Стәрлетамаҡ районы.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж