Был белем усағына 1972 йылда нигеҙ һалынған һәм ул Рәсәйҙәге шундай уҡ 8 махсус уҡыу йортоноң береһе булып иҫәпләнә, республикалағы балаларға I синыфтан башлап музыкаль белем биреүсе берҙән-бер белем усағы.
Радий Фәрит улы уҡыу кабинеттары, музыкаль әҙәбиәт һәм информатика кабинеттарында булды, педагогтар, йәш музыканттар менән аралашты. Махсус музыкаль колледж уҡыусылары Мәскәү, Санкт-Петербург сәхнәләрендә йыш ҡына сығыш яһай. Һуңғы биш йылда ғына республика, Рәсәй, халыҡ-ара конкурстарҙа 500-ләп йәш музыкант лауреат исемен алған. Әйткәндәй, беҙҙең мәҙәниәт министры Әминә Шафиҡова ла ошо белем усағын тамамлаған.