Йырсы Илнур Рамаҙанов менән осрашыу

Был фәһемле осрашыу балалар телевидениеһы һәм радио көнөнә арналған икән. Унда V “А” һәм “Б” синыфы төркөмө уҡыусылары ихлас ҡатнаша. Ошо осрашыуҙы ойоштороусы тәрбиәсе Лилиә Рәми ҡыҙы Хисмәтуллина:

 –Телевидение һәм радио көнө ҡасан билдәләнә башланыу тарихы, республикабыҙ балалары өсөн тапшырыуҙар хаҡында һөйләнек. Хатта уҡыусылар үҙҙәре баш режиссёр, оператор, алып барыусы булып һәләттәрен, таланттарын күрһәтте. Бик күңелле булды. Шулай уҡ сараға гимназиябыҙҙың сығарылыш уҡыусыларының береһе, «Юлдаш PLUS» йәштәр радиоһы бүлеге етәксеһе, алып барыусы һәм йырсы Илнур Рамаҙанов саҡырылғайны. Балалар  ағайҙарына бик күп һорауҙар яуҙырҙы ғына. Яуап биреп кенә өлгөр. Барыһына ла Илнур Венер улы тулы итеп яуап бирҙе. Уҡыусыларға ныҡ оҡшаны инде. Шулай уҡ гимназиябыҙҙың директоры Шайморат Азамат улы Тимербулатов та телевидениела сығыш яһағанда ниндәй тәҫьораттар кисереүе хаҡында ҡыҙыҡлы итеп һөйләне. Кисә аҙағында Өфөгә Башҡортостан юлдаш телевидениеһына экскурсияға барырға  план ҡороп, матур һәм бай мәғлүмәт туплап таралышты уҡыусылар,- тип хәбәр итте.

Афариндар, гимназистар!