Абруйлы ҡунаҡтарыбыҙ өр-яңы мәктәбебеҙ менән танышып өлгөргәйне. Һоҡланыуҙарын белдереп, был белем усағында насар уҡып булмай инде, тине улар. Эйе, беҙ һынатмаҫҡа тырышабыҙ. Уҡытыусыбыҙ Әлфиә Фәних ҡыҙы Иҫәнъюлова менән уҡыуҙа ла, төрлө сараларҙа ла гел алдынғы булырға теләйбеҙ.
Мирсәйет Ғүмәр улы беҙҙең синыфты «Йәншишмә» гәзитенә әүҙем яҙышҡан өсөн маҡтаны.
– Ике арала дуҫлыҡ күпере һалынды. Бәйләнешебеҙҙе өҙмәйек. Гәзиткә яҙылығыҙ, редакция үткәргән бәйгеләрҙә лә ҡатнашығыҙ, – тине ул.
Яҡташыбыҙҙың һүҙҙәре беҙгә ҡанат ҡуйҙы, тағы ла әүҙемерәк булырға вәғәҙә бирҙек. Директорыбыҙ Рөстәм Насырйән улы Дәүләтбирҙин уны күркәм юбилейы менән дә ҡотланы.
Фәнзилә АБДУЛЛИНА, IV «А» синыфы уҡыусыһы.
Хәйбулла районы, Аҡъяр ауылындағы
3-сө полилингваль күп профилле мәктәп.