Уңыштар юлдаш булһын, балалар!

 Бишенсе йыл рәттән Өфө ҡалаһы ҡала округы советы депутаты Борисов Андрей Евгеньевич һәм Башҡортостан Республикаһының йәмәғәт палатаһы ағзаһы, Өфө ҡалаһы нотариаль округы нотариусы Анатолий Владимирович Хомячук башланғысы менән «Башҡортостан Республикаһының Нотариаль палатаһы» коммерцияға ҡарамаған ойошмаһы ярҙамында Өфө ҡалаһының тәрбиәгә алыусы ғаиләләрҙә үҫкән  XI синыфты тамамлаусылар өсөн тантаналы сара үткәрелә. Улар байрам сиктәрендә Өфөнөң тарихи һәм иҫтәлекле урындары буйлап заманса автобуста мауыҡтырғыс экскурсия үтте.

Һәр ҡунаҡ үҙ сығышында уҡыусыларға үҙҙәренең тәғәйенләнешен табыр, һөнәри үҫешкә ынтылыр, тигән өмөт белдерҙе.

Байрамдың йомғаҡлау өлөшөндә Башҡортостан республикаһы Өфө ҡалаһы ҡала округы хакимиәтенең опека һәм попечителлек буйынса идаралығы начальнигы Сатаева Илнара Мөнир ҡыҙы был сараның мөһимлеген билдәләне. Барыһына ла ныҡлы һаулыҡ, яңы ҡаҙаныштар теләне.

Тантаналы өлөш тамамланғас, һәр сығарылыш уҡыусыһы бүләктәр алды. Байрам сәй эсеү менән тамамланды.