Шул белем усағында осрашып, ихлас аралаштыҡ. Беҙҙең менән күрешергә дүртенселәр хәрби кейемдә килгән ине. Ҡалай килешә үҙҙәренә, тип һоҡландыҡ. Улар хәрби темаға арналған йырҙар башҡарҙы, шиғырҙар һөйләне. Тулҡынландырғыс мәл булды. Осрашыу аҙағында дүртенселәр гәзитебеҙҙә ойошторолған «Өскөл хаттар» акцияһына дәррәү ҡушылды. Улар бергәләп һалдаттарға теләктәрен яҙҙы. Шулай итеп, был мәктәптән бөтәһе 100-ҙән ашыу йөрәк түренән яҙылған хат йыйылды.
Әйткәндәй, Һамар мәктәбендә лә 10 йылдан ашыу «Фронт хаттары» акцияһы ойошторолоп килә. Был эште уҡыусылар менән уҡытыусылар 2015 йылда Бөйөк Еңеүҙең 70 йыллығына арнап башлап ебәргән икән.
– Хат башҡорт һәм урыҫ телдәрендә яҙыла. Йыл һайын уның эстәлеге үҙгәрһә лә, мәғәнәһе үҙгәрмәй. Тыуған ил, Ватаныбыҙ тыныслығы өсөн көрәшкән ата-бабаларыбыҙҙы оноторға хаҡыбыҙ юҡ! Тәүҙә акция Һамар ауылы биләмәһе халҡы өсөн генә ойошторолһа, һуңғараҡ был хаттар район, республика кимәлендә таратыла башланы. 9 Май – Еңеү көнөндә төрлө ҡалаларҙан, өлкәләрҙән ҡайтҡан яҡташтарға һәм ҡунаҡтарға «фронт хаттары»н тапшырыу байрамдың айырылғыһыҙ бер өлөшөнә әйләнде. Илебеҙҙә махсус хәрби операция башланғас, 23 февраль, 9 Май байрамдары алдынан уҡыусылар тырышып яугирҙарға хат яҙа башланы. Бына әле «Йәншишмә» гәзитендә ойошторолған «Өскөл хаттар» акцияһына ла уҡыусыларыбыҙ ихлас ҡушылды. Бигерәк тә дүртенселәрҙе маҡтағы килә, – ти Һамар мәктәбенең директор урынбаҫары Рәзилә Шәрифулла ҡыҙы Бәҙретдинова.
Эйе, IV синыфҡа әүҙемдәр, тырыштар йыйылған. Отҡор, шаян, берҙәм, татыу үҙҙәре. Синыфта ете ҡыҙ һәм өс малай уҡый. Улар үҙ-ара тәртипле булыуҙары менән дә барыһын һоҡландыра. Элеонора Ванюкова – тик «бишле»гә, ә алты уҡыусы «дүртле» һәм «бишле» билдәләренә генә өлгәшә.
Дүртенселәр шулай уҡ сәнғәт мәктәбендә лә шөғөлләнергә ваҡыт таба. Ҡыҙҙар бөтәһе лә тиерлек шунда өҫтәмә белем ала. Уларҙы етәкселәре Татьяна Александровна Тарасова маҡтап:
– Ҡыҙҙар ныҡ тырыш, һәр сараға бик етди әҙерләнә. Хатта ял көндәрендә өйөмдә лә шөғөлләнәбеҙ. Стәрлетамаҡта уҙған «Котовасия» халыҡ-ара юмористик рәсем конкурсында, Вологда ҡалаһында ойошторолған сәнғәт бәйгеһендә коллектив эштәребеҙҙең барыһы ла III дәрәжә диплом менән билдәләнде, – ти.
Ә Элеонора Ванюкова уҡыуҙан һуң сәнғәт мәктәбенең гитара синыфында шөғөлләнә. Ныҡ оҫтарып алған. Уңыштары ла бик күп. Мәҫәлән, Межгорье ҡалаһында уҙған бәйгенән дипломант булып ҡайтҡан. Йыл да Гагарин кубогына үткәрелгән олимпиаданың мәктәп этабында еңеү яулай. Тырыш ҡыҙ урыҫ теленән һәм тирә-яҡ мөхитте өйрәнеү буйынса бәйгенең төбәк-ара этабында ла призлы урын алған. Тиҙҙән район намыҫын яҡлап республика конкурсында ла үҙен һынап ҡарамаҡсы икән. Тағы ла был синыфтан Элеонора менән Данил Ғиниәтуллин шиғыр һөйләүгә оҫта. Үҙҙәре ниндәй генә бәйгелә ҡатнашмаған! Бөтә Рәсәй, төбәк-ара конкурстарҙа көстәрен һынап ҡарайҙар. Мәҫәлән, февраль айында Бөрө ҡалаһында ойошторолған «Геройҙар дәүере» асыҡ онлайн конкурста Данил – I, Элеонора II урынды яулаған.
Азалина Килдебаева матур итеп йырлай. Ул Данил менән «Хәйбулла ынйылары» төбәк-ара конкурсында еңеп, бүләк алып һөйөнгән.
Батырхан Байғужин менән Влад Каратов – шәп математиктар. Улар Гагарин кубогына үткәрелгән олимпиаданың төбәк-ара этабында призёр булған.
Синыфта спорт менән дуҫ булғандар ҙа бар: Азалиә Хәмәҙиева, Влад Каратов, Батырхан Байғужин һәм Азалина Килдебаева. Ә Александра Свидерская, Азалина Кәримова, Милә Вәхитова һәм Сабина Тимербулатова һүрәт төшөргә, ҡул эштәренә маһир.
Был уҡыусыларҙың үҙ-ара дуҫ, өлгөлө булыуҙарының сере нимәлә, тип ҡыҙыҡһынабыҙ синыф етәкселәре Фәнүзә Бәҙгетдин ҡыҙы Хөсәйенованан.
– Улар шулай өйрәнгән, тәрбиәләнгән. Мине, ата-әсәләрен гел ҡыуандырып ҡына торалар. Мәктәптәге барлыҡ байрамдарҙа иң ихлас, иң әүҙем ҡатнашыусы бит үҙҙәре. Сөнки беҙ йырларға ла, бейергә лә, шиғыр һөйләргә лә яратабыҙ. Һәр байрамға яңы бейеү, яңы йыр өйрәнәбеҙ. Әле һеҙ килеүгә лә ныҡ әҙерләндек, был осрашыуҙы көтөп алдыҡ.
Әйткәндәй, Һамар мәктәбендә лә 10 йылдан ашыу «Фронт хаттары» акцияһы ойошторолоп килә. Был эште уҡыусылар менән уҡытыусылар 2015 йылда Бөйөк Еңеүҙең 70 йыллығына арнап башлап ебәргән икән.
– Хат башҡорт һәм урыҫ телдәрендә яҙыла. Йыл һайын уның эстәлеге үҙгәрһә лә, мәғәнәһе үҙгәрмәй. Тыуған ил, Ватаныбыҙ тыныслығы өсөн көрәшкән ата-бабаларыбыҙҙы оноторға хаҡыбыҙ юҡ! Тәүҙә акция Һамар ауылы биләмәһе халҡы өсөн генә ойошторолһа, һуңғараҡ был хаттар район, республика кимәлендә таратыла башланы. 9 Май – Еңеү көнөндә төрлө ҡалаларҙан, өлкәләрҙән ҡайтҡан яҡташтарға һәм ҡунаҡтарға «фронт хаттары»н тапшырыу байрамдың айырылғыһыҙ бер өлөшөнә әйләнде. Илебеҙҙә махсус хәрби операция башланғас, 23 февраль, 9 Май байрамдары алдынан уҡыусылар тырышып яугирҙарға хат яҙа башланы. Бына әле «Йәншишмә» гәзитендә ойошторолған «Өскөл хаттар» акцияһына ла уҡыусыларыбыҙ ихлас ҡушылды. Бигерәк тә дүртенселәрҙе маҡтағы килә, – ти Һамар мәктәбенең директор урынбаҫары Рәзилә Шәрифулла ҡыҙы Бәҙретдинова.
Эйе, IV синыфҡа әүҙемдәр, тырыштар йыйылған. Отҡор, шаян, берҙәм, татыу үҙҙәре. Синыфта ете ҡыҙ һәм өс малай уҡый. Улар үҙ-ара тәртипле булыуҙары менән дә барыһын һоҡландыра. Элеонора Ванюкова – тик «бишле»гә, ә алты уҡыусы «дүртле» һәм «бишле» билдәләренә генә өлгәшә.
Дүртенселәр шулай уҡ сәнғәт мәктәбендә лә шөғөлләнергә ваҡыт таба. Ҡыҙҙар бөтәһе лә тиерлек шунда өҫтәмә белем ала. Уларҙы етәкселәре Татьяна Александровна Тарасова маҡтап:
– Ҡыҙҙар ныҡ тырыш, һәр сараға бик етди әҙерләнә. Хатта ял көндәрендә өйөмдә лә шөғөлләнәбеҙ. Стәрлетамаҡта уҙған «Котовасия» халыҡ-ара юмористик рәсем конкурсында, Вологда ҡалаһында ойошторолған сәнғәт бәйгеһендә коллектив эштәребеҙҙең барыһы ла III дәрәжә диплом менән билдәләнде, – ти.
Ә Элеонора Ванюкова уҡыуҙан һуң сәнғәт мәктәбенең гитара синыфында шөғөлләнә. Ныҡ оҫтарып алған. Уңыштары ла бик күп. Мәҫәлән, Межгорье ҡалаһында уҙған бәйгенән дипломант булып ҡайтҡан. Йыл да Гагарин кубогына үткәрелгән олимпиаданың мәктәп этабында еңеү яулай. Тырыш ҡыҙ урыҫ теленән һәм тирә-яҡ мөхитте өйрәнеү буйынса бәйгенең төбәк-ара этабында ла призлы урын алған. Тиҙҙән район намыҫын яҡлап республика конкурсында ла үҙен һынап ҡарамаҡсы икән. Тағы ла был синыфтан Элеонора менән Данил Ғиниәтуллин шиғыр һөйләүгә оҫта. Үҙҙәре ниндәй генә бәйгелә ҡатнашмаған! Бөтә Рәсәй, төбәк-ара конкурстарҙа көстәрен һынап ҡарайҙар. Мәҫәлән, февраль айында Бөрө ҡалаһында ойошторолған «Геройҙар дәүере» асыҡ онлайн конкурста Данил – I, Элеонора II урынды яулаған.
Азалина Килдебаева матур итеп йырлай. Ул Данил менән «Хәйбулла ынйылары» төбәк-ара конкурсында еңеп, бүләк алып һөйөнгән.
Батырхан Байғужин менән Влад Каратов – шәп математиктар. Улар Гагарин кубогына үткәрелгән олимпиаданың төбәк-ара этабында призёр булған.
Синыфта спорт менән дуҫ булғандар ҙа бар: Азалиә Хәмәҙиева, Влад Каратов, Батырхан Байғужин һәм Азалина Килдебаева. Ә Александра Свидерская, Азалина Кәримова, Милә Вәхитова һәм Сабина Тимербулатова һүрәт төшөргә, ҡул эштәренә маһир.
Был уҡыусыларҙың үҙ-ара дуҫ, өлгөлө булыуҙарының сере нимәлә, тип ҡыҙыҡһынабыҙ синыф етәкселәре Фәнүзә Бәҙгетдин ҡыҙы Хөсәйенованан.
– Улар шулай өйрәнгән, тәрбиәләнгән. Мине, ата-әсәләрен гел ҡыуандырып ҡына торалар. Мәктәптәге барлыҡ байрамдарҙа иң ихлас, иң әүҙем ҡатнашыусы бит үҙҙәре. Сөнки беҙ йырларға ла, бейергә лә, шиғыр һөйләргә лә яратабыҙ. Һәр байрамға яңы бейеү, яңы йыр өйрәнәбеҙ. Әле һеҙ килеүгә лә ныҡ әҙерләндек, был осрашыуҙы көтөп алдыҡ.
