Ҡотлайбыҙ!

Награданы бөгөн Радий Хәбиров Хөкүмәттең оператив кәңәшмәһе барышында тапшырҙы.

Альбина Шәрипова быйыл "Уҡытыу туған телдә алып барылған мәктәпкәсә белем биреү учреждениеһы йыл тәрбиәсеһе" республика конкурсында иң-иңе булып танылғайны. Яңыраҡ Липецк ҡалаһында уҙған «Иң яҡшы туған тел һәм туған әҙәбиәт уҡытыусыһы» V Бөтә Рәсәй һөнәри конкурсында Башҡортостан данын яҡлап, илдең иң яҡшы 46 тәрбиәсеһе араһында еңеүгә лайыҡ булды.

Был бәйгелә «Башҡорт теле һәм әҙәбиәте уҡытыусыһы» төбәк-ара конкурсы еңеүсеһе, Өфөләге А. Хохлов исемендәге 10-сы белем биреү үҙәгенең башҡорт теле һәм әҙәбиәте уҡытыусыһы, филология фәндәре кандидаты Ләйсән Хәсәнова ла ҡатнашты һәм “Быуындар бәйләнеше” номинацияһында еңеүсе булды. Уларҙың ғаилә педагогик стажы – 1207 йыл!

Ҡотлайбыҙ!

Фото: resbash.