+24 °С
Ямғыр
Бөйөк Еңеүгә - 80 йыл
9 Май 2025, 05:02
Бөйөк Ватан һуғышы: һандар һәм факттар
Һуғышта дөйәләр ҙә ҡатнашҡанын белә инегеҙме?
Бөйөк Ватан һуғышы: һандар һәм факттар
- Ҡан ҡойош 1941 йылдың 22 июнендә башлана һәм 1 мең 418 көн дауам итә. Ошо ваҡыт эсендә иң оҙайлы көрәш Ленинград өсөн була: 1 мең 126 көн бара ул. Шуның 871 көнөн ҡала блокадала үткәрә.
- Тәүге көндәрҙә военкоматтарға яҡын барырлыҡ булмай: айырыуса йәш егеттәр, дошман менән алышып өлгөрмәй ҡуйырмын, тип тиҙерәк фронтҡа ашыға.
- Хәүефһеҙлек маҡсатында Кремль беренсе айҙа уҡ “юғала”: башняларҙағы йондоҙҙарҙы ҡаплайҙар, куполдарҙы ҡара төҫкә буяйҙар. Майҙанға фанеранан йорттар эшләп ултырталар.
- Яуҙа ҡатын-ҡыҙҙар ҙа күп була: 600 меңдән 1 миллионғаса иҫәпләнә. Уларҙың 80 меңе офицер дәрәжәһендә хеҙмәт итә. 87 ҡатын-ҡыҙ Советтар Союзы Геройы исеменә лайыҡ була.
- Һуғышта 60 меңләп эт ҡатнаша. Улар дошман эшелондарын юҡ итә, бронетехниканы шартлата, миналарҙы таба, яралыларҙы алып сыға. 7 мең 468 мина һәм 150-нән ашыу снаряд тапҡан Джульбарс ҡушаматлы эткә хатта «За боевые заслуги» миҙалы тапшырыла, ул 1945 йылдың 24 июнендә Мәскәүҙә үткән Еңеү парадында ла ҡатнаша.
- Автомобилдәр һәм аттар етмәүе арҡаһында һалдаттарыбыҙға кәрәк-яраҡ ташыуҙа дөйәләр ҙә ярҙам итә. Иң билдәлеләре – Мишка менән Машка – Берлинғаса етә, шунда зоопаркта тороп ҡалалар.
- Советтар Союзы Геройы исеменә илебеҙҙә 11 мең ярым самаһы яугир лайыҡ була.
- Дөйөм алғанда, фронтта һәм тылда 27 миллион кеше һәләк була. 1 мең 710 ҡала, 70 меңләп ауыл емерелә.
- Фото: yandex.ru.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
