+12 °С
Ямғыр
Бөтә яңылыҡтар
"Рәхмәт һиңә, уҡытыусым!"
2 Октябрь 2019, 17:43
Зилара Рәүеф ҡыҙына рәхмәтлемен
Һәр кемдең тормошонда онотолмаҫлыҡ эҙ ҡалдырған берәйһе булалыр. Минең шундай кешем – элекке башҡорт теле һәм әҙәбиәте уҡытыусыһы Зилара Рәүеф ҡыҙы Мөлөкова. Беҙҙең мәктәптә тәүҙә – башланғыс cиныфтар уҡытыусыһы, унан башҡорт теле уҡытыусыһы булып 35 йыл эшләп хаҡлы ялға сыҡҡан ул.
Һыуыҡ ҡыш көнө ине. Мин мәктәпкә китеп барам. Бишенселә уҡый инем. Алдымдан Зилара Рәүеф ҡыҙы бара. Бына беҙҙең аҙымдар тигеҙләште. Зилара апай уҡыуым тураһында һорашты: «Уҡыуҙар нисек?». «Яҡшы, тик диктантты ғына насар яҙам,» – тинем. Шунан ул миңә китап уҡырға, текстар күсерергә кәңәш итте. Үҙенең өй китапханаһындағы китаптарын тәҡдим итеп, өйөнә саҡырҙы. Мәктәптән ҡайтҡас та уларға йүгерҙем. Миңә «китап ене» ҡағылды ла ҡуйҙы. Унда булған барлыҡ әҫәрҙәрҙе уҡып бөттөм. Текстар күсереү менән дә шөғөлләндем. Оло уҡытыусының һүҙҙәре хаҡ булған, хәҙер инде диктанттарҙы, иншаларҙы яҡшы билдәләргә яҙам. Шулай итеп, Зилара Рәүеф ҡыҙы минең тормошомда онотолмаҫлыҡ бик мөһим эҙ ҡалдырҙы, тип әйтергә мөмкин. Рәхмәт һиңә, ветеран уҡытыусы! Хаҡлы ялда булыуына ҡарамаҫтан, уҡыусы балалар менән ҡыҙыҡһынып, һәр ваҡыт ярҙам ҡулы һуҙырға әҙер тороуы уның ысын уҡытыусы булыуы тураһында һөйләй.
Ошо оло уҡытыусының балаларға булған иғтибары, һәр кем күңеленә юл таба алыуы, изге күңеле минең кескәй йөрәгемдә уҡытыусы тигән һөнәргә ҡарата ҙур ихтирам тыуҙырҙы. Уның хеҙмәте иң ҙур баһаға лайыҡ. Уҡытыусылар көнө уңайынан Зилара Рәүеф ҡыҙына ныҡлы һаулыҡ, бәхетле оҙон ғүмер теләйем! Уҡытыусыларға дан!
Гөлсибәр АЙЫТБАЕВА, VI синыф уҡыусыһы.
Бөрйән районы, Ҡолғана мәктәбе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж