-4 °С
Ҡар
Бөтә яңылыҡтар
"Рәхмәт һиңә, уҡытыусым!"
3 Октябрь 2019, 18:10
Икенсе әсәй ҙә, кәңәшсе лә булды
Уҡытыусы... Ниндәй матур, яғымлы һүҙ ул! Ошо һүҙҙе ишетеү менән күҙ алдыма түҙемле, мөләйем йөҙлө, балалар менән ихлас күңелдән аралаша белгән кеше килеп баҫа. Эйе, был ҡылыҡтар тик уҡытыусыға ғына хас шул. Был һөнәрҙең бик еңелдән булмағанын беҙ барыбыҙ ҙа яҡшы аңлайбыҙ.Сөнки ҡосаҡ-ҡосаҡ дәфтәрҙәр тикшереп, йоҡоһоҙ төндәр үткәреү, һәр бер бала менән уртаҡ тел табыу ҙур көс һәм тырышлыҡ талап итә.
Минең дә шундай ҡәҙерле, яҡын һәм күңелем үҙ иткән кешем – уҡытыусым бар. Үҙ эше менән ул баҫҡан ерҙә ут сығарған, уҡыусыларҙың күңелендә оло һөйөү тәрбиәләгән, ғәзиз халҡым алдында дан-хөрмәт ҡаҙанған физика фәненән белем биреүсе синыф етәксем Венера Булат ҡыҙы Кәримова.
Ул үҙ эшенең оҫтаһы ғына түгел, ә ғаиләһендә балалары өсөн өҙөлөп торған әсәй, ейән-ейәнсәрҙәре өсөн ҡәҙерле өләсәй, тормош иптәше өсөн ныҡлы терәк-таяныс та ул.
Рәми Ғарипов исемендәге 1-се республика башҡорт интернат-гимназияһында уҡыған йылдар күңел түрендә иң матур хәтирә булып һаҡлана. Ә шундай остаздарҙан белем алыуы, уларҙың ныҡлы ҡанаты аҫтында оло тормош юлына баҫыу һәр кемгә лә эләкмәй.
Венера Булат ҡыҙы менән беҙҙең синыфҡа ике йыл эшләү бәхете тейҙе. Береһенән-береһе тиктормаҫ, шуҡ ҡыҙҙар һәр бер-бөртөк егет булған коллективты етәкләүе, бәлки, ауыр ҙа булғандыр
Ләкин беҙ бер ваҡытта ла унан ауыр һүҙҙәр ишетмәнек. Килеп сыҡҡан төрлө мәсьәләләргә хәҙер үк юлын да, яуабын да табып, беҙҙе бирешмәҫкә, көслө булырға өйрәтте.
Үҙ ҡанаттары аҫтына һыйындырып, ауыр һәм моңһоу саҡтарҙа һүҙ йылыһы менән дә, күҙ ҡарашы менән дә әсәйҙәрсә хәстәрлек күрһәтеүе оло баһаға лайыҡ.
Гимназияны тамамлау менән һәр беребеҙ төрлө ҡалаларға таралдыҡ, ләкин уҡытыусыбыҙ менән бәйләнеш өҙөлмәй. Эше тығыҙ булыуға ҡарамаҫтан, һәр бер иртән телефонға килгән матур һүҙҙәр яҙылған хәбәрҙәре лә күңелде иретә, кәйефте күтәрә.
Шәхес булып тәрбиәләнеп, ҙур уҡыу йорттарында белем алыуыбыҙҙа уның өлөшө ҙур. Уҡыусылар менән ныҡлы бәйләнеш булдырып, бар күңелеңде биреп эшләү тап шундай хеҙмәт емештәре бирә лә инде.
Эйе, уның күҙҙәренә ҡарайым да, һоҡланыуымды йәшерә алмайым. Сөнки уның иңдәренә оло яуаплылыҡ һалынған :ғаиләһендә балаларына наҙлы әсәй, өләсәй, тормош иптәшенә оло терәк, ә мәктәптә балаларҙы белем үрҙәренә әйҙәүсе уҡытыусы ғына түгел, икенсе әсәй, ауыр саҡтарҙа йыуатыусы, кәңәшсе лә ул.
Шуға ла ҡәҙерле уҡытыусыма ошо изге байрамында ысын күңелдән һаулыҡ, ғаилә именлеге, еңел булмаған эшендә тик уңыштар һәм тырыш уҡыусылар теләйем!
Лидиә ДИНМӨХӘМӘТОВА.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж