+9 °С
Болотло
Бөтә яңылыҡтар
Республика Башлығы стипендиаты
16 Ноябрь 2018, 16:43
«Уңыш сере тырышлыҡта һәм түҙемлелектә», – ти Гөлнәзирә
Исемең-шәрифең: Гөлнәзирә Мәхмүтова.Уҡыған мәктәбең, синыфың: Йылайырҙағы Шәйехзада Бабич исемендәге башҡорт гимназияһының XI «А» синыфында уҡыйым.
Исемең-шәрифең: Гөлнәзирә Мәхмүтова.
Уҡыған мәктәбең, синыфың: Йылайырҙағы Шәйехзада Бабич исемендәге башҡорт гимназияһының XI «А» синыфында уҡыйым.
Төрлө өлкәлә яулаған иң сағыу уңыштарың:2016 йылда «Урал батыр» эпосы буйынса ойошторолған йәш сәсәндәрҙең XVIII республика конкурсының беренсе турында, халҡыбыҙҙың рухи ҡомартҡыһын сит ил һәм республика халыҡтары телдәрендә яттан һөйләүселәрҙең бәйгеһендә III урын алдым. ЮНЕСКО ойошторған шундай уҡ ярышта ла I урын яулағайным. Быйыл үлемһеҙ әҫәрҙе башҡарыусы йәш сәсәндәрҙең XX республика конкурсының I турында I урынға лайыҡ булдым. «Тере Классика – 2018» бәйгеһендә «Урыҫ әҙәби әҫәрен иң оҫта башҡарыусы» номинацияһы буйынса бүләкләндем. Шәйехзада Бабич ижадына арналған «Халҡы өсөн» төбәк-ара конкурсында I урынға сыҡтым. Стәрлетамаҡ ҡалаһында үткәрелгән Халыҡ-ара туған телдәр көнөнә арналған «Әйҙә, шағир, маҡтау йырла һин…» шиғыр һөйләү бәйгеһендә II урын алып ҡыуандым.
Уңышлы булыу серен нимәлә күрәһең? Тырышлыҡта һәм түҙемлелектә.
Яратҡан фәндәрең: математика, тарих, йәмғиәтте өйрәнеү, физкультура, инглиз теле.
Яратҡан яҙыусы, шағирҙарың: Шәйехзада Бабич, Мостай Кәрим, Лев Толстой, Александр Дюма, Джек Лондон, Энтони Дорр, Маргарет Митчелл.
Яратҡан уҡытыусың: бөтә уҡытыусыларымды ла яратам, береһен дә айырып әйтә алмайым.
Синыфтан тыш әүҙемлегең: бейеү менән шөғөлләнәм. Ҡурай түңәрәгенә йөрөйөм.
Яратҡан йондоҙоң: «Twenty one pilots» тигән сит ил төркөмө оҡшай.
Күңелеңә оҡшаған иң матур йыр: ундай йырҙар күп, һанап бөткөһөҙ.
Кумирың: юҡ, әммә һоҡланған һәм өлгө алған кешеләр бар. Мәҫәлән: Зәйнәб Биишева, Мәрйәм Бураҡаева, Маргарет Тэтчер, Наполеон.
Яратҡан ризығың: бишбармаҡ.
Оҡшатып бешергән аш-һыуың: алманан бәлеш.
Яратҡан байрамың: Яңы йыл, Май байрамы, тыуған көн.
Буш ваҡытта күңелеңә ятҡан шөғөлдәр: китап уҡырға яратам, һеңлем менән уйнайым, әсәйгә ярҙам итәм, имтихандарға әҙерләнәм.
Үҙ иткән спорт төрөң: саңғыла шыуыу.
Интернет селтәренә бүлгән ваҡытың: көнөнә 20 – 30 минут тирәһе ултырам.
Whatsapp, «Бәйләнештә», «Facebook», инстаграмм – һинең өсөн… Ваҡытты бушҡа алған селтәрҙәр.
Тормош девизың: үҙеңә ышан һәм хыялдарыңа тоғро ҡал.
Киләсәккә уй-хыялдарың: имтихандарымды юғары балдарға бирергә, яңы бейеклектәр яуларға һәм киләсәктә илгә файҙалы кеше булырға теләйем.
Гөлназ ШӘЙХЕТДИНОВА.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж