-4 °С
Болотло
Бөтә яңылыҡтар
Республика Башлығы стипендиаты
31 Ғинуар 2020, 15:26
Әлфинә билбау көрәшен һайлаған
Һай, сая ҡыҙ ҙа инде Әлфинә Фәхретдинова! Бер ҙә ҡурҡып тормаған, таһыллыҡ, көс талап иткән билбаулы көрәшкә тотонорға баҙнат иткән. Уҡ атыу буйынса ла оҫта ул. «Мәргән уҡсы» ярышында көсөн һынап, төрлө илдәрҙән йыйылған ҡатнашыусылар араһында ла һынатмаған.
– Бәләкәй саҡтан үтә лә хәрәкәтсән ҡыҙ булдым. Шуға мине нимә менәндер ҡыҙыҡһындырырға кәрәк ине. Бейеүгә йөрөнөм. Баскетбол, самбо секцияларында шөғөлләндем. Етенсе синыфта билбаулы көрәшкә яҙылғайным, бик оҡшап ҡалды. Беҙҙе тренерыбыҙ Александр Шумков күнектерә. Үҙеңде лә яҡларға, һаҡларға өйрәнәһең, – ти ҡыҙ күберәк ир-егеттәр үҙ иткән спорт төрө менән нисек шөғөлләнә башлауы хаҡында.
Ә инде республика ғына түгел, Рәсәй, донъя кимәлендә уңыштар яулай башлағас, күңеле тағы ла үҫеп китә. Ул самбо буйынса ике тапҡыр республика чемпионы була, билбаулы көрәш буйынса Үҙбәкстанда уҙған донъя беренселегендә көмөш миҙал яулай. Барлыҡ уңыштарын һанай китһәң, еңеүҙәре ифрат күп инде.
Бөтә иғтибарын спортҡа йүнәлткән ҡыҙҙың уҡыуы ла һәйбәт, Учалылағы 1-се башҡорт лицейында XI синыфта «дүртле» һәм «бишле» билдәләренә генә өлгәшә. Сығарылыш синыф уҡыусыһы булараҡ, быйыл ваҡыты икеләтә тығыҙыраҡ: Берҙәм дәүләт имтихандарына әҙерләнергә лә, шул уҡ ваҡытта аҙнаһына өс тапҡыр күнекмәләргә йөрөргә лә өлгөрөргә кәрәк.
– Спорт минең йәшәү рәүешемә әйләнде инде. Йәйгеһен спорт буйынса йыйындарҙа ҡатнашам. Киләсәктә лә уҡыуымды ошо йүнәлештә дауам итергә уйлайым, шуға Ҡазан федераль университетына уҡырға барырға йыйынып йөрөйөм, – ти спортсы ҡыҙ, киләсәккә уй-хыялдары менән дә бүлешеп.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж