-8 °С
Болотло
Бөтә яңылыҡтар
Әсәм теле - сәсән теле
24 Май 2019, 15:29
Башҡорт телендә һөйләшәм, башҡорт телендә яҙам
Башҡортса диктант яҙыу акцияһы быйыл 5-се мәртәбә ойошторолдо һәм тәүге тапҡыр халыҡ-ара кимәлдә үтте. Был сараның йылдан-йыл күберәк милләттәштәребеҙҙе бергә туплауы – ҡыуаныслы күренеш!
Башҡорт дәүләт университетында ике майҙансыҡ эшләне. Береһендә башҡорт телен яҡшы белгәндәр йыйылды. Уларға Салауат Әбүзәр яҙған «Ағыла ҡурай моңо...» тигән бик матур тексты Рәсәйҙең һәм Башҡортостандың халыҡ артисы Хөрмәтулла Үтәшев уҡыны. Икенсе аудиторияла башҡорт теле буйынса башланғыс белеме булғандар йыйылғайны. Уларға ғалим Вәкил Хажиндың Өфө ҡалаһы тураһындағы тексын уҡыу «Башинформ» акционерҙар йәмғиәте директорҙар советы рәйесе Ростислав Мырҙағоловҡа йөкмәтелде. Шулай уҡ онлайн яҙырға теләгәндәр өсөн трансляция ла ойошторолғайны.
Башҡорт теленән диктант яҙыу ысын мәғәнәһендә тел байрамына әүерелде, тиһәң дә була. Республика Башлығы вазифаһын ваҡытлыса башҡарыусы Радий Хәбиров та матур сараны хуплап, диктант яҙырға килгәйне.
Был акция ваҡытында бөтәһе 800-ҙән ашыу майҙансыҡ ойошторолдо. Рәсәй төбәктәрендә генә түгел, хатта сит илдәрҙә – АҠШ, Канада, Төркиә, Германия, Бөйөк Британия, Швейцария, Ҡытайҙа йәшәгән милләттәштәребеҙ ҙә ҡатнашты унда. Һуңынан ойошторолған телекүпер аша улар тәьҫораттары менән уртаҡлашты. Башҡортостан Республикаһының 100 йыллыҡ юбилейына арналған башҡа сараларҙы ла ошолай халыҡ-ара кимәлдә үткәрергә тәҡдим иттеләр.
Эльвира ӘСӘҘУЛЛИНА.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж