Бөтә яңылыҡтар
Әсәм теле - сәсән теле
24 Октябрь 2019, 18:13

Швецияла – яңы башҡорт ойошмаһы

Ҡыуаныслыҡ яңылыҡ! Швецияла яңы башҡорт ойошмаһы барлыҡҡа килгән.

Был хаҡта Бөтә донъя башҡорттары ҡоролтайының «Бәйләнештә»ге төркөмөндә хәбәр итәләр. «Гүзәлленд» тип аталған ойошма август айында рәсми теркәү үткән. Уның етәксе урынбаҫары Альбина Ғәйнанова әйтеүенсә, башҡорт ойошмаһын төҙөү идеяһы V Бөтә донъя башҡорттары ҡоролтайында ҡатнашҡандан һуң барлыҡҡа килгән. Әлеге ойошма мәҙәни хеҙмәттәшлекте, милли йолаларҙы үҫтереү, сит ил халҡын республикабыҙ менән таныштырыу, Башҡортостан имиджын күтәреү буйынса эшләргә ниәтләй.
Читайте нас в