Бөтә яңылыҡтар

Тамара Ғәниева исемендәге премия кемдәргә эләгер?

Башҡортостандың халыҡ шағиры Тамара Ғәниеваның яҡташтары, көйөргәҙеләр, уның исемендәге премия булдырырға ҡарар иткән. Был матур идея тураһында Көйөргәҙе районының социаль үҫешенә булышлыҡ итеү буйынса хәйриә фонды кураторы Лилиә Михайлова "Башинформ"ға хәбәр иткән.

Тамара Әхмәтшәриф ҡыҙы яҡташтарының, район хакимиәтенең бындай иғтибарына ҙур рәхмәтен белдергән. Шағирә үҙе премияны авторҙың йәшенә, милләтенә, теленә ҡарамай, жанрға ла сикләү ҡуймай, матбуғатта баҫылған йәки китап булып сыҡҡан ҙур әҫәрҙәр өсөн тапшырырға тәҡдим итә. Был бүләккә дәғүә итеүсе - Башҡортостанда йәшәргә, лайыҡлы әҫәрҙе һайлап алыу шарттары ҡәтғи булырға тейеш, тип иҫәпләй ул.
Тамара Ғәниева исемендәге йәмәғәт әҙәби премияһы йыл һайын биреләсәк.
Фото: Нелли Рәхмәтуллина.
Читайте нас в