-3 °С
Ясна
Бөтә яңылыҡтар
Әсәм теле - сәсән теле
28 Ноябрь 2020, 13:12
Ырымбурҙа - Башҡортостан мәҙәниәте һәм мәғрифәте көндәре
Ырымбур өлкәһендә Башҡорт мәҙәниәте һәм мәғрифәте көндәре бара.
Башҡортостан вәкилдәре, Ырымбур өлкәһе һәм ҡалаһы башҡорттары менән берлектә төрлө саралар үтте. 27 ноябрҙә республикабыҙҙан барған делегация Ҡыуандыҡтағы Уҡыусылар һәм пионерҙар йортонда башҡорт теле, мәҙәниәте һәм йолаларын өйрәнеү буйынса ойошторолған түңәрәк эшмәкәрлеге менән танышты. Унда 6-14 йәшлек балалар шөғөлләнә. Шулай уҡ Һарыҡташ районының Һунарсы ауылында милләттәштәребеҙ менән осрашыу булды. Бөгөн «Ырымбур төбәге башҡорттарының тарихы, теле һәм мәҙәниәте» тигән "түңәрәк өҫтәл" ойошторолдо. Уны Бөтә донъя башҡорттары ҡоролтайы башҡарма комитеты рәйесе Эльвира Айытҡолова алып барҙы.
Билдәле булыуынса, Ырымбур өлкәһендә 50 меңгә яҡын башҡорт йәшәй. Сара барышында милләттәштәребеҙҙең мәктәптәрҙә башҡорт телен өйрәнеүенә бәйле мәсьәләләр ҡаралды. Мәғариф өлкәһендә Башҡортостан Ырымбур мәктәптәрен башҡорт теле дәреслектәре менән тәьмин итеү буйынса ярҙам итә. I-IX синыфтар өсөн 1 600 дана дәреслек, эш дәфтәрҙәре, методик ҡулланмалар тапшырылған. Шуныһы иғтибарға лайыҡ: Ырымбур өлкәһендә йыл һайын башҡорт теле һәм әҙәбиәте олимпиадаһы уҙа. Иң-иңдәр Өфөлә үткән төбәк-ара бәйгелә ҡатнаша. Белеүегеҙсә, башҡорт теле һәм әҙәбиәте буйынса был олимпиада федераль исемлеккә индерелде һәм еңеүселәргә юғары уҡыу йортона ингәндә өҫтәмә балл алыу мөмкинлеге бирә. Бөгөнгө "түңәрәк өҫтәл"дә фекер алышыу һөҙөмтәле булыр, Ырымбурҙағы бәләкәй милләттәштәребеҙгә туған телде өйрәнеү өсөн мөмкинлектәр тағы ла артыр, тип ышанабыҙ. Башҡорттар Ырымбур еренә бер ҡайҙан да күсеп килмәгән, ә үҙҙәренең тыуған ерендә йәшәгән аҫаба халыҡ бит.
Әлеге ваҡытта унда мәҙәниәт өлкәһендә 50-нән ашыу башҡорт коллективы эшләй икән. Башҡортостан Республикаһы мәҙәниәт министры урынбаҫары Рәнис Алтынбаев киләсәктә Ырымбурҙағы милләттәштәребеҙ өсөн ҡурай, ҡумыҙ, бейеү буйынса оҫталыҡ дәрестәре ойоштороласағын белдерҙе. Тағы шуныһы ҡыуандырҙы: Ырымбур өлкәһендә башҡорт телендәге "Каруанһарай" гәзите баҫылыуҙан туҡтағайны бит, әлеге һөйләшеү барышында ошо турала ла һүҙ булды һәм башҡортса матбуғаттың тергеҙелеүенә ышаныс артты.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж