+17 °С
Болотло
TelegramVKOK
Бөтә яңылыҡтар
Әсәм теле - сәсән теле
13 Ғинуар 2021, 11:52

Грант алыусылар исемлеге билдәле

Башҡортостан Республикаһы Башлығының дәүләт телдәрен һәм республика халыҡтары телдәрен һаҡлауға һәм үҫтереүгә йүнәлтелгән гранттарына 2021 йылда кемдәр лайыҡ булған? Еңеүселәр исемлеге Граждандар йәмғиәтенә булышлыҡ итеү фондының ошо туралағы бойороғона ҡушымта итеп бирелгән.

Конкурста 38 ойошманың проекттары еңеүсе тип билдәләнгән. Уларҙың 31-е башҡорт телен үҫтереүгә йүнәлтелгән. Грантҡа лайыҡ булыусылар араһында башҡорт белем усаҡтары ла байтаҡ. Тулы исемлекте, кем ниндәй проект тәҡдим иткәнен ошо һылтанма буйынса уҡып белергә мөмкин - бойороҡ.
Республиканың Граждандар йәмғиәтенә булышлыҡ итеү фонды хәбәр итеүенсә, еңеүселәр араһында Мәскәүҙән, сит өлкәләрҙән дә проекттар бар. Дәүләт телдәрен һәм республика халыҡтары телдәрен һаҡлауға һәм үҫтереүгә йүнәлтелгән гранттар тапшырыу өсөн быйыл 80 миллион һум аҡса бүленгән.
Читайте нас: