+9 °С
Болотло
Бөтә яңылыҡтар
Әсәм теле - сәсән теле
22 Ғинуар 2021, 12:28
Конкурста һынатманылар
Башҡорт дәүләт университетының Сибай институтында «Бабич вариҫтары» республика йәш шағирҙар конкурсын йомғаҡлау тантанаһы үтте. Унда бәйгелә ҡатнашыусыларҙың ижадын туплаған йыйынтыҡтың исем туйы ла уҙғарылды.
Үҙҙәре башҡорт булһа ла,
Башҡорт телен белмәйҙәр.
«Мама», «папа» тип һөйләйҙәр,
Үҙ телен өйрәнмәйҙәр.
«Атай», «әсәй» тип өйөмдә
Мин һәр ваҡыт өндәшәм.
Үҙем урыҫ ҡыҙы булһам да,
Саф башҡортса һөйләшәм,
– тип тасуири шиғыр һөйләп тороуы оло ҡыуаныс түгелме ни?!
– Бөгөнгө конкурста башҡортса шиғыр яҙған урыҫ милләтенән балалар ҙа булды. Уларҙың ошо тантанаға килеүе, шиғыр уҡыуы күңелгә йылы нур өҫтәй, – тип белдерҙе Башҡортостан Яҙыусылар союзы рәйесе Зәки Арыҫлан улы Әлибаев.
Быға тиклем дә Анжела Бугрова һәр саҡ «Урал батыр эпосы»н яттан һөйләү, «Һаумы, һаумы әкиәт!», тасуири шиғыр һөйләү кеүек конкурстарҙа ихлас ҡатнашып, призлы урындар яулай ине. Был еңеүе өсөн уға «Бабич вариҫтары» йыйынтығы, диплом һәм видеокамера тапшырылды. Шулай уҡ башҡа еңеүселәрҙең дә кәйефе шәп ине. Гран-при яулаусы яҡташыбыҙ, Әбйәлил ҡыҙы Нәркәс Ҡәйепҡолова – айфон, беренсе урынға лайыҡ булыусы Ишембай егете Роберт Горбунов – планшет, өсөнсө урын алыусы БДУ-ның Сибай филиалы студенткаһы Гөлбаныу Ласынова ноутбук кеүек ҡиммәтле бүләктәр алып ҡыуанды.
Өфөнән килгән ҡунаҡтар «Бабич вариҫтары» конкурсында ҡатнашҡандары өсөн Сиҙәм һәм Рауил мәктәптәре уҡыусыларының һәр береһенә Маҡтау ҡағыҙҙары һәм Бөтә донъя башҡорттары исеменән Флүр Ғәлимовтың «Яңы башҡорт» китабын бүләк итте. БДУ-ның Сибай институты директоры Азат Сәлимйән улы Вәлиев уҡыусыларҙы үҙҙәренең уҡыу йортона уҡырға килергә саҡырып, бында ҡатнашыусыларҙың барыһына ла сертификаттар тапшырҙы.
Йәштәрҙең ижадҡа ынтылышын ваҡытында күреп һәм баһалап дәртләндергәндәре өсөн ҙур рәхмәт! Ә мин ҡалған уҡыусыларыма иһә Сибай институтында үткән ошондай күркәм саранан алып ҡайтҡан иҫтәлекле бүләктәрҙе тапшырып ҡыуандырҙым һәм үҙемдең изге теләктәремде лә еткерҙем.
Гүзәл ӘХМӘҘИЕВА,
башҡорт теле һәм әҙәбиәте уҡытыусыһы.
Әбйәлил районы,
Рауил мәктәбе.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж