Туған телебеҙҙе яратабыҙ!

Ошо байрам уңайынан гимназиябыҙҙа башҡорт теле уҡытыусылары Рита Дамир ҡыҙы Батырова һәм Гөлзифә Фәнил ҡыҙы Зәкиева "Йомробаш" тигән интеллектуаль уйын ойошторҙо. "Ялҡын", "Осҡон",  "Бикбайҙар" һәм "Уңғандар" командалары 6 турҙан торған сәмле ярышта көс һынашты. Уҡытыусылар һәм уҡыусыларҙан торған командаларға "Башҡортостан", "Сәнғәт", "Халыҡ ижады", "Башҡорт әҙәбиәте", "Һүҙ байлығы" һәм "Көйҙө таны" конкурстары бик оҡшаны. Туған тел, Тыуған ил, яратҡан тәбиғәтебеҙгә бағышланған ҡыҙыҡлы һорауҙар, беренсенән, уҡыусыларға үҙ белемдәрен һынап ҡарарға мөмкинселек бирһә, икенсе яҡтан, милләтенә, Башҡортостаныбыҙға һөйөү хистәре тәрбиәләне, башҡорт телен ҡәҙерләргә өндәне.

"Ялҡын" һәм "Уңғандар" командалары - 120-шәр мәрәй йыйып I урын, "Бикбайҙар" - 115 мәрәй менән II урын, ә "Осҡон" командаһы 110 мәрәй йыйып, 3-сө урын алды. Афариндар!

Был сара йәш быуынды тәрбиәләү, туған телгә хөрмәй уятыу, ғөмүмән, һәр төрлө яҡтан үҫеш булдырыу өсөн бик фәһемле булды.

Илзирә ҒАРИФУЛЛИНА,

китапханасы.

Өфө ҡалаһы,

Рауил Бикбаев исемендәге 102-се башҡорт ги