Бары тик туған телгә, әҙәбиәтебеҙгә, башҡорт теле уҡытыусыларына арналған ижад емештәрегеҙҙе беҙгә ебәрергә кәрәк буласаҡ. Шиғырмы ул, мәҡәләме, әҙәби әҫәрме, әллә әкиәтме – быныһы инде үҙегеҙҙең ҡарамаҡта. Мәҡәләгеҙ менән бергә матур, сифатлы фото ла ебәрә алаһығыҙ.
Ижади эштәр 14 декабргә тиклем "Йәншишмә" гәзитенең [email protected] электрон почтаһына һәм "Бәйләнештә" социаль селтәрендәге https://vk.com/club45440006 төркөмөбөҙҙә ҡабул ителә. Еңеүселәрҙе жюри билдәләйәсәк. Иң-иңдәр редакциябыҙҙың Маҡтау грамотаһы һәм күренекле яҙыусыларҙың автографлы китаптары менән бүләкләнәсәк, ә инде эштәре «Йәншишмә» гәзитенең 16 декабрь һанында баҫылып сығасаҡ.
Һеҙҙән матур шиғырҙар, тос фекерле мәҡәләләр, шәп әкиәттәр көтөп ҡалабыҙ! Әүҙемерәк булығыҙ!