Әйтер һүҙем телем хаҡында

Минең туған телем – башҡорт теле,

Милләт иткән ғәзиз халҡымды.

Тәбиғәте, матурлығы менән

Үҫтереүсе минең холҡомдо.

Үткәндәргә бер аҙ күҙ ташлаһаң,

Яҡлап сыҡҡан илем улдары:

Рәми, Бикбай... Тыуыр тағы шағир

Һәм тибрәтер шиғыр юлдарын.

Әсәм теле - халҡым хазинаһы,

Бирелгән ул миңә тыумыштан.

Быуын-быуын белер балалар ҙа,

Инҡар итмәҫ, уҙмаҫ уҙмыштан.

Киләсәккә ҙур өмөттәр бағам:

Илем үҫер, артыр милләтем.

Шиғыр яҙам, йәнә уйға сумам,

Асып һалам халҡым һәләтен.

Оҫта ҡурайсылар сыҡҡан унан,

Ҡумыҙсылар, йырсы, бейеүсе.

Хаҡ түгелдер: «Телһеҙ йәшәрем», - тип

Күкрәк киреп тороп йөрөүсе.

Әйтер һүҙем илем ҡосағында,

Тамыр йәйгән һәр бер халыҡҡа:

Кәмһетмә һин, үҫтер, ярат уны

Шатлан шундай халыҡ барлыҡҡа!

Регина МАННАПОВА, VIII синыф уҡыусыһы.

Ғафури районы, 3-сө Красноусол мәктәбе.