Ысынлап та, шиғыр мәҙәниәтте берләштерә, кешеләргә бер-береһен нығыраҡ аңларға ярҙам итә. Шиғри юлдарға һалынған уй-хистәр быуаттар дауамында йөрәктәребеҙгә үтеп инеп, беҙҙең ҙур бер ғаилә булыуыбыҙҙы, әммә һәммәбеҙҙең төрлө, ә шул уҡ ваҡытта бер-беребеҙгә оҡшаған булыуыбыҙҙы иҫкә төшөрә. Һәр ғаилә зыялы башҡорт шағирҙарыбыҙҙың шиғырҙарын матур итеп һөйләне. Ошо сараға әҙерләнгән һәр синыф етәкселәренә, башҡорт теле уҡытыусыларына рәхмәтебеҙҙе белдерәбеҙ. Рухи байрам барыһын да берләштерҙе.
Римма Баймырҙина, башҡорт теле һәм әҙәбиәте уҡытыусыһы.
Әбйәлил районы, Асҡарҙағы Таһир Күсимов исемендәге гимназия.