Телебеҙҙе яратабыҙ!

«Өмөт», «Башҡорттар » һәм «Зирәктәр» командалары 6 турҙан торған сәмле ярышта көс һынашты. Уҡытыусылар һәм уҡыусыларҙан тупланған командаларға «Башҡортостан» , «Сәнғәт», «Халыҡ ижады», «Башҡорт әҙәбиәте», «Һүҙ байлығы» һәм «Көйҙө таны» конкурстары бик оҡшаны.Туған тел, Тыуған ил ,яратҡан тәбиғәтебеҙгә бағышланған ҡыҙыҡлы һорауҙар, беренсенән, уҡыусыларға үҙ белемдәрен һынап ҡарарға мөмкинлек бирһә, икенсе яҡтан, милләтенә, Башҡортостаныбыҙға һөйөү хистәре тәрбиәләне, башҡорт телен ҡәҙерләргә өндәне.
«Өмөт» командаһы - 39 балл йыйып, беренсе урын , «Башҡорттар» - 37 балл менән икенсе урын ,ә «Зирәктәр» командаһы 26 балл менән 3-сө урын яуланы. Афариндар!
Был сара йәш быуынды тәрбиәләү, туған телгә хөрмәт уятыу, ғөмүмән, һәр төрлө яҡтан үҫеш булдырыу өсөн бик фәһемле булды.

Илзирә ҒАРИФУЛЛИНА, педагог-китапханасы.

Өфө ҡалаһы, Рауил Бикбаев исемендәге 102-се башҡорт гимназияһы.