+28 °С
Болотло
Әсәм теле - сәсән теле
5 Март 2023, 06:40
Теләк кенә булһын
Мин Артём булам, республиканың һаулыҡтары буйынса мөмкинлектәре сикләнгән балаларға дистанцион белем биреү үҙәгендә белем алам. Уның ете бүлексәһе бар: Өфө, Стәрлетамаҡ, Сибай, Нефтекама, Туймазы, Белорет ҡалаларында һәм Дыуан районы Мәсәғүт ауылында. Мин үҙебеҙҙең райондағыһында VIII синыфта уҡыйым.
Теләк кенә булһын
Урыҫ, инглиз һәм башҡорт телдәрен яратып өйрәнәм. Күпте белергә тырышам. Башҡорт теленән Айһылыу Рәйес ҡыҙы Сирбаева уҡыта. Беҙ бергәләп башҡортса һөйләшергә, яҙыусылар һәм шағирҙарҙың ижадын өйрәнәбеҙ һәм Башҡортостандың билдәле шәхестәре менән танышабыҙ.
Башҡорт теле беҙҙең республикала дәүләт теле булып тора. Шуға ла уны өйрәнергә, белергә кәрәк, тип уйлайым. Хәҙер уны мәктәптә генә түгел, минең кеүек дистанцион рәүештә уҡып та өйрәнеп була. Бының өсөн төрлө дәреслектәр, интерактив ҡулланмалар, хатта мобиль ҡушылмалар бар. Беҙ уҡытыусым менән ошо заманса технологияларҙы дәрестә ҡулланабыҙ. Башҡорт телен өйрәнеү өсөн әлеге көндә бөтә шарттар ҙа, уңайлыҡтар ҙа бар. Тик теләк кенә булһын.
Артём ШАМИЛОВ, VIII синыф уҡыусыһы.
Дыуан районы.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
