+28 °С
Болотло
Әсәм теле - сәсән теле
13 Декабрь 2023, 13:01
Телем хаҡында...
Баймаҡ ҡалаһынан Ынйы исемле уҡыусыбыҙ ҙа ижад емештәрен ебәргән. #әсәмтелесәсәнтеле
Телем хаҡында...
Туған телем
Башҡорт теле – туған телем,
Төйәгем – Башҡортостан.
Ҡурайы һәм балы менән
Бар донъяла дан тотҡан.
Ата-бабаларҙан ҡалған
Оло мираҫ ул – телем.
Юғалмай, мәңге йәшәһен
Үҙемдең башҡорт телем.
Рәхәтләнеп үҙ телеңдә
Һөйләшеүгә ни етә?
Тик үҙенең теле генә
Халыҡты халыҡ итә.
Онотма үҙ телеңде
Өләсәйем бигерәк уңған,
Ҡулдарында – бәйләме.
Әкиәт һөйләй, йомаҡ ҡоя,
Мәҡәлдәрҙән тора һөйләме.
– Онотма, ти, – үҙ телеңде,
Балаларыңа өйрәт.
Кешемен тигән кешегә
Үҙ телен белеү кәрәк.
Ана шулай тәрбиәләй
Беҙҙе оло кешеләр.
Туған телде һаҡлап килә
Өләсәйем ишеләр.
Ынйы ИҪӘНОВА,
V синыф уҡыусыһы.
Баймаҡ интернат-лицейы.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
