Туған телем – милләтем рухы

Был байрамға башҡорт телен яратҡан, хөрмәт иткән дуҫтарыбыҙ йыйылды. 8-се төркөмгә йөрөгән малайҙар һәм ҡыҙҙар, уларҙың әсәйҙәре, бик ентекле әҙерләнгән. Шөғәйеповтар, Нәбиуллиналар, Миңнуллиндар, Бикҡужиналар ғаиләләре менән телебеҙ, Башҡортостан, тыуған ер, тураһында шиғырҙар өйрәнеп, бәйгелә бер-береһе менән көс һынашты.
Ә кескәй әртистәребеҙ уларҙы дәртләндереп, үҙҙәренең йыр-бейеүҙәрен бүләк итте. Был сарала балалар шулай уҡ тел тураһындағы мәҡәлдәрҙе лә ҡабатлап иҫтәренә төшөрөп үтте.
Жюри ағзалары шиғыр бәйгеһендә ҡатнашҡан һәр ғаиләне еңеүсе тип билдәләне. Шөғәйеповтар – туған теленә тоғролоҡ, Нәбиуллиналар – ишле ғаилә, ә Миңнуллиндар милләтенә тоғролоҡ номинацияларында еңеүсе тип табылды.
Байрам кескәйҙәр башҡарыуында "Башҡорт телендә һөйләшәм" тигән матур йыр менән тамамланды.

Зенфира ШӘМСЕТДИНОВА,
тәрбиәсе.
Өфө ҡалаһы.