Еңеүселәрҙе ҡотлайбыҙ!

Һәр хатта телебеҙгә һөйөү, башҡорт теле һәм әҙәбиәте уҡы­тыусыларына хөрмәт, милләтебеҙ киләсәге өсөн борсолоу яры­лып ята. Һәр бер эш йөкмәткеле, үҙенсәлекле, маҡтауға ла­йыҡ ине.
Шулай итеп, бәйгебеҙҙә Илгизәр Шәйәхмәтов (Стәрлетамаҡ ҡалаһындағы 2-се мәктәптең XI синыф уҡыусыһы), Алтынай Лоҡманова (Учалы районы Мәҫкәү мәктәбенең IX синыф уҡыусыһы), Динислам Шөғөров (Әбйәлил районы Ишбулды мәктәбенең VII синыф уҡыусыһы), Гүзәлиә Хәтмуллина (Илеш районы Исәмәт мәктәбенең VI синыф уҡыусыһы), Әҙилә Мырҙағәлина (Баймаҡ ҡалаһындағы 4-се лицейҙың IX синыф уҡыусыһы), Нәркәс Ласынова (Баймаҡ ҡалаһындағы 4-се лицейҙың X синыф уҡыусыһы), Зарина Мөхәмәҙуллина (Стәрлетамаҡ ҡалаһындағы Ленин исемендәге 2-се интернат-лицейҙың VII си­ныф уҡыу­сыһы), Наҙгөл Ишмөхәмәтова (Бөрйән районы Ғәлиәкбәр мәктәбенең VI синыф уҡыусыһы), Вероника Ғатауллина (Өфө ҡалаһындағы 111-се гимназияның IX си­ныф уҡыусыһы), Наҙгөл Шәһивәлиева, Азалида Ғәйнетдинова, Эльвир Шәмсетдинов, Алина Сәхәүетдинова (Салауат районы Әлкә мәктәбенең IV синыф уҡыу­сылары) еңеүсе тип табылды. Уларға гәзитебеҙҙең Маҡтау ҡағыҙҙары һәм билдәле яҙыусыларҙың автографлы китаптары тапшырыласаҡ. Ә ҡалған ҡатнашыусыларҙың иң яҡшы эштәре «Йәншишмә»нең алдағы һандарында донъя күрәсәк.