+28 °С
Болотло
Әсәм теле - сәсән теле
21 Февраль 2024, 05:04
Йәншишмә
Бөгөн Халыҡ-ара туған телдәр көнө билдәләнә. Ошо уңайҙан Сафуан ӘЛИБАЙҙың шиғырын уҡыйыҡ әле.
Йәншишмә
Әсәкәйең йәнен биргән
Әсәң теле – йәншишмә,
Әсә һөтө менән һинең
Телеңә сәм, тәм күсә.
Йәншишмәнең сылтырауы
Йәнеңдә йыр уятыр,
Тулҡын аша күҙ сағылтҡан
Ынйы-ынйы һүҙем ятыр.
Һүҙ ҡәҙерен белмәгәндәр
Йәншишмәне болғатыр,
Сайпылтып саф тулҡындарҙы
Таш сорғотор, сүп атыр.
Бешереп ет һүҙ бутҡаһы,
Тел тейҙермә телеңә, –
Әсә теле бирешмәгән
Заманалар еленә!
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
